قازىر قازاقستاندا قانشا ادام كوروناۆيرۋستان ەمدەلىپ جاتىر؟
11:39, 27 - تامىز 2020
نۇر-سۇلتان. قازاقپارات - قازاقستاندا وسى كەزدە كوروناۆيرۋستىق ينفەكسيادان 8976 ادام ەم قابىلداپ جاتىر، دەپ حابارلايدى قازاقپارات ق ر دەنساۋلىق ساقتاۋ مينيسترلىگىنىڭ Telegram كانالىنا سىلتەمە جاساپ.
مينيسترلىك تاراتقان مالىمەتتەرگە قاراعاندا، ەم الىپ جاتقاناردىڭ اراسىندا 38 ءسابي بار. ستاتسيونارلاردا 4548 ناۋقاس جاتىر، 4428 ادام امبۋلاتوريالىق جاعدايدا ەمدەلۋدە.
«جالپى ناۋقاستاردىڭ اراسىندا 267 ادامنىڭ احۋالى ناشار. سونىڭ ىشىندە 47 ناۋقاستىڭ احۋالى اسا اۋىر دەپ باعالانۋدا. 50 ناۋقاس جاساندى تىنىس الۋ اپپاراتىندا جاتىر»، - دەلىنگەن حابارلامادا.