تەڭگەلەر Ⅸ عاسىردا بيلىك ەتكەن ابباسيد حاليفاتىنا تيەسىلى.
ابباس يبن ابدۋل- مۋتتاليب نەگىزىن قالاعان ابباسيت حاليفاتى (750-1258 ج ج. ) قازىرگى الجيردەن باستاپ اۋعانستانعا دەيىنگى اۋماقتى بيلەگەن.
«مەن جەردى قازىپ جاتىپ، جۇقا جاپىراقتارعا ۇقسايتىن ءبىر نارسەنى كوردىم. مۇقيات قاراپ، ولاردىڭ التىن مونەتالار ەكەنىن ءتۇسىندىم. مۇنداي ەجەلگى جانە ماڭىزدى قازىنانى تابۋ وتە قىزىقتى بولدى»، - دەيدى جاسوسپىرىمدەردىڭ ءبىرى وز كوەن.
«مىسالى، وسى التىن تەڭگەگە مىسىردىڭ سول كەزدەگى باي استاناسى فۋستاتتىڭ ەڭ جاقسى اۋداندارىنىڭ بىرىنەن ءساندى ءۇي ساتىپ الۋعا بولار ەدى»، - دەيدى ءيزرايلدىڭ انتيكالىق ەسكەرتكىشتەر باسقارماسىنىڭ وكىلى روبەرت كۋل.
شاماسى، التىندى مىڭ جىل بۇرىن جاسىرعان ادام ونى كەيىنىرەك الىپ كەتۋدى ويلاعان. سەبەبى قۇمىرا ورنىنان جىلجىپ كەتپەۋى ءۇشىن شەگەلەرمەن مىقتاپ بەكىتىلگەن.
«مۇنداي التىن مونەتالار سيرەك كەزدەسەدى. ءبىز ولاردى ارحەولوگيالىق قازبا جۇمىستارى كەزىندە تابا المايمىز. سەبەبى التىن ءارقاشان باعالانىپ، قايتا- قايتا بالقىتىلىپ، قولدانىلعان. تازا التىننان جاسالعان مونەتالار توت باسپايدى. ولار ءبىر كۇن بۇرىن كومىلگەندەي جارقىراپ تۇر»، - دەيدى ساراپشىلاردىڭ ءبىرى.
massaget.kz