سەل ءجۇرۋى مۇمكىن. سوندىقتان تۇرگەن وزەنىنىڭ باسسەينىندە ورنالاسقان كولدىڭ دەڭگەيىن تومەندەتۋ ماڭىزدى. «قازسەلدەنقورعاۋ» مەكەمەسىنىڭ ماماندارى، قازىر كولدىڭ ەرنەۋىن جىرىپ، سۋدىڭ ءبىر بولىگىن اعىزىپ جاتىر. تۇرگەن وزەنى باسسەينىندەگى №1 مۇزدى كول ىلە الاتاۋىنداعى ەڭ ءىرى جانە قاۋىپتىسى سانالادى. كولەمى 750 مىڭ تەكشە مەتر بولعان. «قازسەلدەنقورعاۋ» ماماندارى سوڭعى جىلدارى ونىڭ كولەمىن ايتارلىقتاي ازايتتى. ءبىراق قاۋىپتى سەيىلتۋ ءۇشىن دەڭگەيىن تاعى تومەندەتۋ قاجەت. ەگەر سۋ مۇزدىقتان ساڭىلاۋ تاباتىن بولسا، كولدىڭ سۋى الدىنداعىنى جايپاي تومەنگە اعادى. ال تاس پەن توپىراق ارالاس سەلدىڭ كولەمى ميلليون تەكشە مەترگە دەيىن جەتەدى. ونىڭ زاردابى دا زور بولادى. بۇگىنگى تاڭدا نەگىزگى ماسەلە ءتۇسىرۋ ارناسىندا بولىپ تۇر. سول ارقىلى سۋ وزدىگىنەن، ال ارنايى قۇبىردىڭ كومەگىمەن ۇدايى اعىپ تۇرادى. ءبىراق مۇنداعى تاۋجىنىسى قاتتى. ونى جۇمسارتۋدىڭ ەڭ ىڭعايلى جولى - جارۋ.
ەسەنجول نامازبايەۆ، «قازسەلدەنقورعاۋ» م م باس جارۋشى- ينجەنەرى:
- قوپارىلىس زاتتارىنىڭ سالماعى - ءبىر توننا. جارۋ جۇمىستارى ۇزىندىعى 70 مەتر ەۆاكۋاتسيالىق كانالدا جۇرگىزىلۋدە. جۇمىس اياقتالعاننان كەيىن جارۋ جۇمىستارى وسى 70 مەتر ۇزىندىقتاعى ترانشەيا 2-3 مەترگە جۇمىستاردىڭ ارقاسىندا تومەندەيدى. جارىلىستى مۇزدىقتىڭ قۇرىلىمىن بۇزىپ الماۋ ءۇشىن وتە مۇقيات جاساۋ كەرەك. ينتەرريت دەپ اتالاتىن ارنايى ەمۋلسيالىق قوپارعىش قولدانىلادى. كەسەك تاس ءتيىپ كەتپەۋ ءۇشىن 500 مەتردەن استام جەرگە بوي تاسالاعان ءجون.
ەركىن احمەتوۆ، «قازسەلدەنقورعاۋ» م م فيليال باسشىسى:
- جالپى وسى اۋماق بويىنشا بىزدە تىركەلگەن 264 كە جۋىق كول بار. جازعى سەل قاۋىپتى مەرزىمى كەزىندە گيدروبەكەتتەر قويىلعان. جالپى 15 كە جۋىق گيدروبەكەتتەر كۇندەلىكتى اقپاراتتى تاۋلىگىنە ءۇش قايتا راتسيا ارقىلى الماسىپ وتىرامىز. جاعداي باقىلاۋدا، جاعداي قالىپتى. جارىلىسقا دەيىن دە، ودان كەيىن دە «قازسەلدەنقورعاۋ» ماماندارى تۇرگەندەگى مۇزدى كولدە باتيمەتريالىق جۇمىستاردى جۇرگىزدى. ونىڭ كومەگىمەن مۇزدىقتىڭ قۇرىلىمىنداعى وزگەرىستەر باقىلانادى. بىرىنشىدەن، كولدىڭ تەرەڭدىگى مەن ءتۇبىنىڭ بەدەرى زەرتتەلەدى. سودان سوڭ بۇل جەردەگى وزگەرىستەردى گيدروبەكەت ماماندارى باقىلاپ، ۋاقتىلى اقپارات بەرىپ تۇرادى.