كومپانيانىڭ باسپا ءسوز قىزمەتى DV 734 «نۇرسۇلتان-الماتى» رەيسىنىڭ قونۋى شتاتتىق رەجيمدە وتكەنىن حابارلادى.
«رەيستى ورىنداۋ كەزىندە ەكيپاج ءبىر ساتتە بوگدە شۋدى ەستىدى. ۇشۋ كەزىندە قوزعالتقىشتاردىڭ پارامەترلەرى نورمانى كورسەتتى. سودان ەكيپاج الماتى اۋەجايىنىڭ ديسپەتچەرىنە حابارلاستى. ۇشۋ جانە قونۋ شتاتتىق رەجيمدە ءوتتى»، - دەدى كومپانياداعىلار.
ۇشاقتى تەكسەرگەن سوڭ وندا قۇستىڭ ىزدەرى انىقتالدى.
«ۇشاق بۇلىنگەن جوق. قازىرگى ۋاقىتتا اۋە كەمەسى تەحنيكالىق قىزمەت كورسەتۋ تالاپتارى بەلگىلەگەن دياگنوستيكادان ءوتىپ جاتىر»، - دەدى SCAT وكىلدەرى.