بۇل تۋرالى قازاقپارات مينيسترلىكتىڭ تەلەگرام كانالىنا سىلتەمە جاساپ حابارلايدى. كەزدەسۋ بارىسىندا قوردىڭ جۇمىسى، جەكەلەگەن سالالاردىڭ احۋالى جانە بيىلعى جىلدىڭ جوسپارلارى ايتىلدى. سونداي-اق، قاتىسۋشىلار 5 مەملەكەتتە (رەسەي - و م س ك ق.، تۇركيا - ىستانبۇل.، گەرمانيا - بەرلين ق.، قىرعىزستان - بىشكەك ق.، وزبەكستان - تاشكەنت ق.) اشىلۋى ءتيىس مادەني-ىسكەرلى ۇيلەرى مەن شەت ەلدەردەگى قانداستارعا ارنالعان قازاق ءتىلىن ۇيرەنۋ ونلاين سىنىپتارىن اشۋ جوبالارىن تالقىلادى.
قوردىڭ ۆيتسە- پرەزيدەنتى ماعاۋيا سارباسوۆ شەت ەلدەردەگى قانداستار قۇرعان قوعامدىق ۇيىمدارمەن بىرلەسىپ جۇمىس جاساۋعا ارنالعان مەموراندۋمدارعا كەلىسۋ ءىسى جالعاسىپ جاتقاندىعىن جەتكىزدى. بۇگىندە الەمنىڭ 25 مەملەكەتىندە 62 مەموراندۋمعا قول قويىلعان. سونداي-اق، م. سارباسوۆ الەمنىڭ 12 ەلىندە جالپى اۋديتورياسى 800 ادامدى قامتيتىن 22 ونلاين-سىنىپتىڭ جۇمىس جاساپ تۇرعاندىعىن ايتتى. ءوز كەزەگىندە، مارات ءازىلحانوۆ شەت ەلدەردەگى مادەني-ىسكەرلىك ۇيلەردى مازمۇندىق جاعىنان ساپاسىن كوتەرۋ مەن شەت ەلدەردەگى قانداستاردى قازاق تىلىنە ۇيرەتۋگە ارنالعان ونلاين-سىنىپتار سانىن ارتتىرۋدى تاپسىردى.