ساكەن عاليەۆ - ءرۋلى اۋىستىرىلعان كولىكتى تىركەگەن قازاقستانداعى ءبىرىنشى ادام.
ول «تويوتا الفارد» اۆتوكولىگىنىڭ وڭ جاقتاعى رۋلىن سول جاعىنا اۋىستىردى. ايتۋىنشا، جۇمىس پروتسەسى كوپ ۋاقىتتى الماعان.
«اۆتوكولىكتى ارمەنيا رەسپۋبليكاسىنان اكەلدىم. ونى ۋاقىتشا ەسەپكە قويۋ ءۇشىن پوليتسياعا ارىزداندىم. ءوتىنىشتى تىركەگەننەن كەيىن «ۇلتتىق ساراپتاما جانە سەرتيفيكاتتاۋ ورتالىعى» ا ق قوستاناي فيليالىنىڭ سىناق ورتالىعىندا كولىك قۇرالى كونسترۋكتسياسىنىڭ قاۋىپسىزدىگىن تەكسەرۋ حاتتامالارىن الدىم. كولىكتىڭ رۋلىن، جارىقشامدارىن جانە ورىندىعىن اۋىستىردىم. ءبارى ءبىر كۇندە ىسكە استى. سەرتيفيكاتتاۋدى 20 تەڭگەگە وتكىزدىم، ال ۋاقىتشا ەسەپكە قويۋ انىقتاماسى ءۇشىن 12 مىڭ تەڭگە تولەدىم. ەندى كولىگىممەن ەل تەرريتورياسىندا كەدەرگىسىز جۇرە الامىن»، - دەيدى كولىك يەسى.
قوستاناي وبلىسى پ د اكىمشىلىك پوليتسيا باسقارماسىنىڭ باستىعى اندرەي گريگوريەۆسكيدىڭ ايتۋىنشا، اۆتوكولىكتەردى ۋاقىتشا ەسەپكە قويۋ ءۇشىن مامانداندىرىلعان ح ق ك و- عا جۇگىنۋ قاجەت. ءبىر ساعات ىشىندە كولىك يەسىنە تەحنيكالىق پاسپورت جانە سارى ءتۇستى مەملەكەتتىك نومىرلەر بەرىلدى. ەگەر كولىك ساكەن عاليەۆتىكىندەي بولسا، تەحنيكالىق ءتولقۇجاتتا «ەرەكشە بەلگىلەر» باعانىندا اۆتوموبيلدىڭ رۋل مەحانيزمى قايتا جابدىقتالعانى تۋرالى بەلگى پايدا بولادى.