گەرمانيا ءوز ازاماتتارىن پاريجگە ساياحاتتاپ بارۋدان باس تارتۋعا شاقىردى. سەبەبى فرانتسيادا وتكەن دەمالىس كۇندەرى بەس مىڭنان استام ناۋقاس انىقتالعان. ال، يتاليا بولسا، ەرىكتىلەرگە ۆاكتسينا ەگۋدى باستادى. يسپانيادا سوڭعى تاۋلىكتە 2060 ادامنان كوروناۆيرۋس انىقتالدى. دەنساۋلىق ساقتاۋ مينيسترلىگىنىڭ مالىمدەۋىنشە، ەلدە جالپى دەرت جۇقتىرعاندار سانى، وسىلايشا، 405 مىڭنان اسىپ وتىر. وعان سەبەپ - ءۇش ايلىق شەكتەۋ شارالارىنىڭ جەڭىلدەۋى. كارانتين ءتارتىبى بوساڭسىعان سوڭ ۆيرۋس تا قايتا باس كوتەرە باستاعان. COVID-19 اسىرەسە، كاتالونيادا دەندەپ بارادى. دۇيسەنبى كۇنى مۇندا 1776 تۇرعىننان ۆيرۋس تابىلدى. وسىعان وراي بيلىك شەكتەۋ شارالارىن قايتا كۇشەيتتى. وڭىردە تۇرعىنداردىڭ ون ادامنان اسا جينالۋىنا بولمايدى. سونداي- اق وقۋشىلار مەن ستۋدەنتتەر جاپپاي تەستىلەۋدەن وتەدى.
فەرناندو سايمون، يسپانيا مەديتسينالىق ورتالىعىنىڭ جەتەكشىسى:
- اۋرۋ جۇقتىرعاندار سانى ارتىپ كەلەدى. الدىڭعى شارىقتاۋ شەگىندەگىدەي. ءولىم- ءجىتىم كوپ ەمەس. دەسە دە، وسى قارقىنمەن كەسەل دەندەسە، قايتا بۇرىنعى قالپىمىزعا كەلەمىز. سول ءۇشىن تەستىلەۋدى ۆيرۋس وشاعى بولعان جەرلەردە جاپپاي جۇرگىزىپ جاتىرمىز. تۇرعىندار الدىڭعى سەناري قايتالانباس ءۇشىن جاۋاپكەرشىلىكتى سەزىنۋى كەرەك. جاعداي فرانتسيادا دا ءماز ەمەس. ەلدە كەسەل كۇن ساناپ دەندەپ بارادى. ءتىپتى گەرمانيا جانە كورشىلەس ەۋروپا ەلدەرى ءوز ازاماتتارىن پاريج بەن لازۋر جاعالاۋىنا بارماۋعا شاقىردى. فرانتسيادا كەسەلدىڭ جاڭا وشاعى وڭتۇستىكتەگى تانىمال شيپاجايدا تىركەلدى. سوڭعى اپتادا مۇندا كەلگەن جۇزدەگەن تۋريستەن ۆيرۋس انىقتالعان گەرمانيادا سوڭعى تاۋلىكتە ەكى مى مىڭنان استام ادام قاۋىپتى دەرتكە شالدىقتى. دەنساۋلىق ساقتاۋ مينيسترلىگى بۇل ستاتيستيكا ءساۋىر ايىنان بەرى بولماعان جوعارعى كورسەتكىش دەپ وتىر. كەسەل ەلدىڭ باتىسىندا، وڭتۇستىگىندە جانە بەرليندە دەندەگەن. وعان دەمالىس ماۋسىمى سەبەپ. وسىعان قاراماستان، گاللە ۋنيۆەرسيتەتىنىڭ مەديتسينالىق ورتالىعى ەركىتىلەرمەن بىرلەسىپ كونسەرت وتكىزدى. مۇنداعى ماقسات - زەرتتەۋ جۇرگىزۋ. دەمالىس كۇنگى بۇل ءىس- شاراعا 1500 ۆولونتەر قاتىستى. وسى ارقىلى عالىمدار قاۋىپسىز مادەنيەت شارالارىن قالاي وتكىزۋگە بولادى سونى انىقتاماق.
فان شتەفان، ۇيىمداستىرۋشى:
- ءبىزدىڭ ماقساتىمىز - تۇرعىنداردىڭ قالىپتى ومىرگە تەز ورالۋى. بۇرىنعىداي سپورتتىق جانە مادەنيەت شارالارىنا بارىپ، كوڭىل كوتەرۋى. بۇل كونتسەرتكە قاتىسقان بارلىق ۆولونتەردەن تەست الىنادى. ءبىز بارلىعىنا شارا باستالماس بۇرىن بەتپەردە مەن انتيسەپتىك تاراتتىق. ەكسپەريمەنت ناتيجەسىمەن الداعى ۋاقىتتا بولىسەمىز. يتاليادا ناۋقاستار سانى قايتا كوبەيدى. سوڭعى تاۋلىكتە تاعى 1000 عا تارتا تۇرعىننان كوروناۆيرۋس انىقتالعان. كەسەلدىڭ قايتا دەندەۋىنە بايلانىستى ۆاكتسينانى سىناقتان وتكىزۋ جۇمىستارى تەزدەتىلدى. لادزارو سپالانتساني اتىنداعى ينفەكتسيالىق اۋرۋلار ۇلتتىق ينستيتۋتى ويلاپ تاپقان ەكپەنى ەرىكتىلەرگە سالۋ باستالدى. ەگەر سىناما سىناقتان ءساتتى وتسە، كوكتەمدە جاپپاي وندىرىلە باستايدى.