قاۋلىداعى وزگەرىستەر مەن تولىقتىرۋلاردىڭ باسىم بولىگى بيزنەس نىساندارىنا قاتىستى. سونىمەن قاتار قۇجاتتا نىساندارعا قويىلاتىن تالاپتار، ولاردى ىسكە قوسۋ سيپاتى تولىقتاي كورسەتىلگەن. ونلاين ساۋدا نىساندارى، اۆتوسالوندار، اۆتوموبيلدىڭ قوسالقى بولشەكتەرى دۇكەندەرى جانە تەحنيكالىق قىزمەت كورسەتۋ (ۆۋلكانيزاتسيا، اۆتوجۋۋ)، دوڭگەلەك جوندەۋ ستانسالارى، سۇلۋلىق سالوندارى، شاشتارازدار، كوسمەتولوگيالىق قىزمەت كورسەتەتىن نىساندار، حيميالىق تازالاۋ، كىر جۋۋ ورىندارى حابارلاما ارقىلى جۇمىسىن باستاي بەرەدى.
اۋەجايلار مەن تەمىرجول ۆوكزالدارىنا ماماندار بارىپ، تەكسەرگەننەن كەيىن رۇقسات بەرىلەدى. سونىمەن قاتار باس مەملەكەتتىك سانيتار دارىگەردىڭ 2020 -جىلعى 26 - ماۋسىمداعى №43 قاۋلىسىنا 43-قوسىمشادا شەكتەۋ ءىس- شارالارىن، ونىڭ ىشىندە كارانتيندى ەنگىزۋ كەزەڭىندە ازىق- تۇلىك ەمەس تاۋارلاردىڭ كوتەرمە جانە بولشەك ساۋدا نىساندارىنا (ساۋدا بازارلارىنا) قويىلاتىن سانيتارلىق- ەپيدەميولوگيالىق تالاپتار دا كورسەتىلگەن. قاۋلىنىڭ تولىق ماتىنىمەن مىنا سىلتەمەدە تانىسا الاسىزدار.
اۆتور: مارلان جيەمباي