الاش زيالىلارى تىرىسقاق ەپيدەمياسىنىڭ الدىن الدى – پروفەسسور
بۇل «قازاق رەسپۋبليكاسىنىڭ 100 جىلدىعى جانە ونىڭ قۇرىلۋىنا «الاش» قايراتكەرلەرىنىڭ ۇلەسى» تاقىرىبىندا وتكەن ونلاين كونفەرەنسيادا ايتىلدى.
«قازاق اۆتونومياسى - الاش زيالىلارى ەڭبەگىنىڭ جەمىسى. مەملەكەتتىك ءتىلدى ءالى كۇنگە دەيىن شەشە الماي جاتىرمىز. بۇل ماسەلە ول كەزدە دە ۋشىعىپ تۇردى. ول كەزدە قازاقتاردىڭ ۇلەس سالماعى % 50 بولدى. مەملەكەتتىك ءتىلدى قالاي ءبىر جولعا قويامىز، ءىس قاعازداردى قالاي قازاق تىلىنە اۋدارامىز دەگەن ماسەلەنى ورىنبوردا وتىرعان ازاماتتار جاقسى شەشتى. وزگە ءتىلدى ۇلت وكىلدەرىن وزىنە قارسى قويماس ءۇشىن الدىمەن ەكى ءتىلدى قاتار جىبەردى. 1925 -جىلى جاپپاي ورىستار تۇراتىن جەردە دە ءىس- قاعازدى % 100 مەملەكەتتىك تىلدە جۇرگىزۋ تۋرالى شەشىم قابىلدادى. بيلىككە ف. گولوشەكيننىڭ بيلىككە كەلۋىمەن بۇل ماسەلە شەشىمىن تاپپاي، توقتاپ قالدى»، - دەيدى تاريح عىلىمدارىنىڭ دوكتورى، پروفەسسور زيابەك قابىلدينوۆ.
ول كەزدە ءبىلىم، دەنساۋلىق سالاسىندا دا جاعداي قيىن بولعان. «بۇل ماسەلەنى شەشۋ ءۇشىن كوپتەگەن جەردە مەكتەپ اشىپ، مۇعالىمدەردى دايىندايتىن قازاق ينستيتۋتىن اشتى. ءتىپتى مەكتەپ وقۋلىقتارىنا كوپ قارجى ءبولدى. دەنساۋلىق سالاسىنا قاتىستى ماسەلەنى دە جاقسى شەشتى. قازاق اۋىلدارىنا ازىق- تۇلىكتى ۋاقىتىلى جەتكىزىپ تۇرۋعا تىرىستى. دارىگەرلەر پۋنكتەرىن اشىپ، مونشا كوبىرەك سالا باستادى. 1921 - جىلى تىرىسقاق دەرتىمەن كۇرەسەتىن كوميتەت قۇردى. ءار ۋەزد ورتالىقتارىندا ەمدەيتىن كابينەت اشىپ، ەپيدەمياعا جول بەرمەدى»، - دەيدى ول.
اۆتور: زارينا قاھارمان