گوللانديانىڭ باسپا ءسوز بەتتەرىندە جارىق كورگەن حابارلاردا گوللانديانىڭ بۇرىنعى ساياساتكەرى، 39 جاستاعى يورام ۆان كلاۆەرەننىڭ يسلام دىنىنە قارسى كىتاپ جازۋ بارىسىندا يسلامدى زەرتتەپ ءجۇرىپ، دىنگە دەگەن كوزقاراسى تۇبەگەيلى وزگەرگەن.
وسىلايشا ول وتكەن قازان ايىندا ءتىلىن كاليماعا كەلتىرىپ، مۇسىلمان بولادى. يسلامدى قابىلداعان سوڭ ول مۇسىلمان ەمەستەردىڭ يسلامعا قارسى جاڭساق پىكىرلەرىن جوياتىن كىتاپ جازىپ شىعادى.
2010-2017 -جىلدارى گوللانديا پارلامەنتىندە دەپۋتات بولعان ۆان كلاۆەرەن 2014 -جىلى ازاتتى پارتياسىنىڭ ليدەرى گيرت ۋيلدەرستىڭ (Geert Wilders) تەگى ماروككودان كەلگەندەرگە قارسى ءناسىلشىل سوزدەرىنەن كەيىن پارتيادان شىعىپ، تاۋەلسىز دەپۋتات بولعان.
ۆان كلاۆەرەن 2017 -جىلى وتكەن جالپىحالىقتىق سايلاۋدا ءوزىنىڭ قۇرعان پارتياسىنان كانديدات بوپ سايلاۋعا تۇسەدى. الايدا، جەتكىلىكتى داۋىس الا الماعانى ءۇشىن ساياساتپەن ءبىرجولاتا قوش ايتىسادى.
ءبىر كەزدەرى اسىرە وڭشىل ازاتتىق پارتياسىنىڭ مۇشەسى بولعان بىرلىك پارتياسىنىڭ ليدەرى ارنوۋد ۆان دۋرن (Arnoud Van Doorn) دا 6 جىل بۇرىن پارتيادان كەتىپ، مۇسىلماندىقتى قابىلداعان ەدى.
kazislam.kz