«قازاقستان تەمىر جولى» اكسيونەرلىك قوعامى باسپا ءسوز قىزمەتىنىڭ مالىمەتتەرىنە قاراعاندا، وقيعا بۇگىن 08 ساعات 15 مينۋتتا بولعان. كۇشتى جەلدىڭ سالدارىنان ستانسيادا تۇرعان جۇك ۆاگوندارى وزدىگىنەن ورىندارىنان قوزعالىپ، سول ساتتە كەلىپ قالعان №3471 جۇك پويىزىمەن سوقتىعىسقان. وقيعا سالدارىنان لوكوموتيۆ پەن 23 ۆاگون رەلستەن شىعىپ كەتكەن. لوكوموتيۆتەن ءورت شىقتى. وپات بولعاندار مەن زارداپ شەككەندەر جوق. وقيعا بولعان جەرگە بالقاش، اقتوعاي ستانسيالارىنان قالپىنا كەلتىرۋ جانە ءورت ءسوندىرۋشى پويىزدار جونەلتىلدى.
وقيعانىڭ سەبەپ-سالدارىن تەكسەرۋ ءۇشىن ارنايى كوميسسيا جولعا شىقتى.
«سونىمەن قاتار، وقيعا سالدارىنان «نۇر-سۇلتان نۇرلى جول - دوستىق» قاتىناسىنداعى №54-پويىزى كەشىكتى. اتالعان پويىز جولاۋشىلارىنىڭ جول ءجۇرۋ قۇجاتتارىندا (بيلەتتەردە) كورسەتىلگەن مەجەلى جەرلەرىنە جەتۋى ءۇشىن اۆتوبۋستارمەن تاسىمالداۋ ۇيىمداستىرىلۋدا»، - دەلىنگەن ۇلتتىق كومپانيانىڭ حابارلاماسىندا.