اۆتور جازىلۋشىلارىن egov.kz سايتى ارقىلى كامەلەتكە تولماعانداردىڭ رەپرودۋكتيۆتى جانە پسيحيكالىق دەنساۋلىعىن قورعاۋ بويىنشا مەدينالىق كومەك ۇيىمداستىرۋ ەرەجەلەرىنە قارسى داۋىس بەرۋگە ۇندەيدى. بۇل رەتتە پوست اۆتورى «بالالاردىڭ نازارىنا ۇسىنىلاتىن» جىنىستىق ساۋاتتىلىق تۋرالى كىتاپتاعى سۋرەتتەردى كورسەتكەن.
شىن مانىندە، يلليۋستراتسيا 2010 -جىلى رەسەيدە باسىلىپ شىققان «كاك يا پوياۆيلسيا نا سۆەت» كىتابىنان الىنعان. ونىڭ قازاقستاندىق ءبىلىم بەرۋگە ەش قاتىسى جوق. ءبىراق بۇل اقپارات الەۋمەتتىك جەلىلەردە تەز تارادى، ال كوپبالالى انا زيۋار جۇمانوۆا بۇل ماسەلەنى شەشۋلەرىن سۇراپ ق. ك. توقايەۆ پەن ەلباسى ن. ءا. نازاربايەۆقا حات جازعان. StopFake رەداكسياسى «وقۋلىق» رەسپۋبليكالىق عىلىمي- پراكتيكالىق ورتالىعىنا حابارلاسىپ، تۇسىنىكتەمە الدى.
«پوستتا كورسەتىلگەن كىتاپتىڭ قازاقستاندىق وقۋلىقتارعا ەش قاتىسى جوق. ونىڭ ۇستىنە قازاقستاندا مەكتەپتەردە جىنىستىق تاربيە بەرۋ ساباقتارى وتكىزىلمەيدى. مەكتەپ وقۋلىقتارىنىڭ مازمۇنى قازاقستان رەسپۋبليكاسىنىڭ مەملەكەتتىك جالپىعا مىندەتتى ستاندارتتارعا (ق ر م ج م س)، ءاربىر ءپان بويىنشا ق ر ب ع م بەكىتكەن تيپتىك وقۋ جوسپارلارى مەن تيپتىك وقۋ باعدارلامالارىنا سايكەس قۇراستىرىلادى. بۇل قۇجاتتاردا جىنىستىق تاربيە بەرۋ تۋرالى ءپان جوق»، - دەدى ورتالىق ديرەكتورى عاني بەيسەمبايەۆ.
ونىڭ ايتۋىنشا، وقۋلىقتاردى مەكتەپ باعدارلاماسىنا ەنگىزبەس بۇرىن ونىڭ مازمۇنى ساراپتامادان وتەدى جانە بىرنەشە كەزەڭمەن ماقۇلدانادى. سوندىقتان جاريالاماس بۇرىن اقپاراتتى تەكسەرۋ كەرەك. وقۋلىقتار ق ر م ج م س ماقساتتارى مەن مىندەتتەرىنە سايكەس، سونداي- اق تيپتىك وقۋ جوسپارلارى مەن تيپتىك باعدارلامالارعا لايىق بولۋى كەرەك.
تەك مەكتەپ مۇعالىمدەرى عانا ەمەس، جوعارى وقۋ ورىندارىنىڭ وقىتۋشىلارى دا ساراپشى رەتىندە تارتىلادى.
سونىمەن قاتار، دايىندىق بارىسىندا «وقۋلىق» ر ع پ و سايتىندا جىل بويى قوعامدىق تالقىلاۋ جۇرگىزىلەدى. كىتاپ اۆتورلارى وڭىرلىك سەمينارلاردا ءوز جۇمىستارىن تانىستىرىپ، مۇعالىمدەر قاۋىمداستىعىنىڭ باعالاۋىنا ۇسىنادى. ساراپتامالىق باعا بەرىلگەن سوڭ، ق ر ءبىلىم جانە عىلىم مينيسترلىگى بەكىتكەن پاندەر بويىنشا ارنايى كوميسسيا قۇرىلادى، ول وقۋلىقتاردىڭ مازمۇنىنىڭ وقۋ باعدارلامالارىنا سايكەستىگىن انىقتايدى. سونداي-اق، قۇقىقتىق باعا بەرۋ ءۇشىن جالعان اقپاراتتى تاراتۋ فاكتىلەرى ءى ءى م جولداندى.
ەسكە سالايىق، فەيك (جالعان) اقپارات تاراتقانى ءۇشىن قازاقستاندا ق ر ق ك 274-بابى بويىنشا 7 جىلعا دەيىن باس بوستاندىعىنان ايىرۋ قاراستىرىلعان.