روبەرت كوح ينستيتۋتى وتكەن تاۋلىكتە ەلدە 2034 ادامنىڭ كوروناۆيرۋس جۇقتىرعانىن ءمالىم ەتتى، دەپ حابارلايدى قازاقپارات dw سايتىنا سىلتەمە جاساپ. بۇل - ءساۋىر ايىنىڭ سوڭىنان بەرگى ەڭ كوپ ۆيرۋس جۇقتىرۋ كورسەتكىشى. ناۋرىز ايىنىڭ سوڭى مەن ءساۋىر ايىنىڭ باسىندا SARS- CoV-2 جاعدايلارىنىڭ ماكسيمالدى تاۋلىكتىك ءوسىمى - 6000 نان اسقان. اسىرەسە اۋرۋعا شالدىعۋ جاعدايلارىنىڭ كوپشىلىگى ەلدىڭ باتىس جانە وڭتۇستىگىندە، سونداي-اق بەرليندە تىركەلگەن. سوڭعى مالىمەتتەر بويىنشا، گەرمانيادا SARS- CoV-2 پاندەمياسى باستالعاننان بەرى 232082 ادام ىندەتكە شالدىققان، 206600 ادام ساۋىعىپ شىققان. كوروناۆيرۋس ينفەكسياسىنان 9267 ادام قايتىس بولدى. ساراپشىلار ينفەكسيا جۇقتىرۋ جاعايلارى گەرمانيادا دا ەۋروپانىڭ باسقا ەلدەرىندە دە ايتارلىقتاي ارتىپ كەلە جاتقاندىعىن ايتادى.
كوروناۆيرۋس جۇقتىرۋ جاعدايلارى كوبىنە ادامداردىڭ وزگە ەلدەردەن دەمالىستان قايتىپ كەلىپ جاتۋىنا جانە توي- تومالاقتاردىڭ كوپتەپ ۇيىمداستىرىلۋىمەن بايلانىستى ارتقان. وسىعان بايلانىستى گەرمانيا كانتسلەرى انگەلا مەركەل كوروناۆيرۋسقا قاتىستى شەكتەۋلەردىڭ ودان ءارى جەڭىلدەتىلۋىنە قارسى شىقتى. گ ف ر دەنساۋلىق ساقتاۋ ءمينيسترى يەنس شپان الداعى كارناۆال ماۋسىمىن تولىعىمەن الىپ تاستاۋعا شاقىردى.
اۆتور: اياۋلىم التىنبەك