شەت ەلدەگى قانداستارعا ارنالعان «اتامەكەن» كىتابى جارىق كوردى
مۇنداعى ماقسات - شەت ەلدەگى قانداستارىمىز ەلدىڭ- تىنىس تىرشىلىگىنەن حاباردار بولسىن، اتا جۇرتىنان قول ءۇزىپ قالماسىن دەگەن ىزگى نيەت جانە رەسپۋبليكامىزدىڭ ءار وڭىرىندە ورنالاسقان كيەلى مەكەندەر مەن قاسيەتتى نىسادار ءبىرتۇتاس كەشەن رەتىندە قاراستىرىلىپ، شەت ەلدەگى قانداستارىمىزعا اتامەكەن تۋرالى تولىق ماعلۇمات بەرۋ، - دەيدى كىتاپتى قۇراستىرۋشىلار.
سونداي-اق، «جەردىڭ اتى - تاريحتىڭ حاتى» دەگەندەي وتكەن مەن بۇگىنىنىڭ ساباقتاستىعى حالىق مەكەندەگەن جەر- سۋ اتاۋلارىنان كورىنىس تابادى. ءاربىر اتاۋدىڭ ءوز تاريحى، ءاربىر قاسيەتتى ورىننىڭ كيەگە اينالۋ سەبەبى بار.
مۇنداي قۇت مەكەندەر بەلگىلى ءبىر ءوڭىردىڭ ماقتانىشى عانا ەمەس، جالپىۇلتتىق ماڭىزى بار قاستەرلى ورىندار، اتا جۇرتتا مەكەن ەتكەن ۇرپاقتىڭ تاريحى، تىرشىلىك كوزى، وي- ورەسى تۋرالى ماعلۇمات بەرەتىن سىرلى شەجىرە. مىنە، جيناقتى قۇراستىرۋ بارىسىندا وسى ماسەلەلەر باستى نازارعا الىندى - دەيدى ورتالىقتىڭ تەرمينولوگيا جانە ونوماستيكا ءبولىمىنىڭ جەتەكشى عىلىمي قىزمەتكەرى، فيلولوگيا عىلىمدارىنىڭ كانديداتى سايا اعاناس قىزى.
كىتاپتا كيەلى جەرلەردى انىقتاۋدا قولدانىلعان بەس ولشەمگە سايكەس ەرەكشە باعالاناتىن تابيعي مۇرا ەسكەرتكىشتەرى توڭىرەگىندە اقپاراتتىق- انىقتامالىق ماتەريالدار توپتاستىرىلسا، ەكىنشى كىتاپتا ەل اۋماعىنداعى ارحەولوگيالىق ەسكەرتكىشتەر مەن ورتاعاسىرلىق قالالىق ورتالىقتار تۋرالى مالىمەتتەر بەرىلگەن.
بيىل وسىنداي تاعى بىرنەشە كىتاپ دايىندالۋ ۇستىندە كورىنەدى. بۇل تۋىندىلارعا ءدىني جانە عيبادات ورىندارى تۋرالى اقپاراتتار، كيەلى نىسانداردىڭ سيپاتتاماسى مەن سۋرەتتەرى ەنگىزىلمەكشى. سونداي- اق وقىرمان «كەسەنە مەن مازاردىڭ، قورىمنىڭ ءوزارا ايىرماشىلىعى نەدە؟»، «ەلىمىزدە قانداي قۇلشىلىق- عيبادات ورىندارى بار؟»، «ۇلكەن قىلۋەت قايدا ورنالاسقان؟» سياقتى كوپتىڭ كوكەيىندە جۇرگەن سۇراقتارعا جاۋاپ الادى.
ەلىمىزدەگى ءبىر شەگە قولدانىلماستان، اعاشتاردى ءوزارا قيۋلاستىرۋ ارقىلى سالىنعان مەشىتتەرمەن، ىرگەتاسى قۇيىلماي جەردىڭ ۇستىنە بىردەن ورىلگەن كەسەنەلەرمەن، سىرتقى ءپىشىنى قاراشا ءۇيدى ەلەستەتەتىن، جابايى تاستاردان قۇرىلعان سفەرالىق فورماداعى كونە قۇرىلىمدارمەن، ساۋلەت- قۇرىلىس ونەرىنىڭ باسقا دا كەرەمەتتەرىمەن تانىسىپ، قاسيەتتى ورىندارعا ءبىر تابان جاقىنداي تۇسكىڭىز كەلسە، وسى «اتامەكەن» جيناعىنان تاباسىز.