مۇنداي ستاتيستيكا يتاليادا سوڭعى رەت مامىردا تىركەلگەن، دەپ حابارلايدى قازاقپارات Euronews اگەنتتىگىنە سىلتەمە جاساپ.
ساراپشىلاردىڭ پىكىرىنشە، وعان دەمالىس ماۋسىمى سەبەپ. ويتكەنى دەمالۋشىلار جاز ايلارىندا الدىن الۋ شارالارىنا كوڭىل بولمەيدى: جاعاجايدا كوپشىلىگى ماسكا تاعۋ ءتارتىبىن ساقتامايدى، ءدامحانا مەن مەيرامحانالارداعى جاعداي دا وسىنداي. سونداي- اق يتاليا بيلىگى ينفەكسياعا شالدىققانداردىڭ ورتاشا جاسى 60-تان 30-عا دەيىن تومەندەگەنىن بايقاعان.
ۇلى بريتانياداعى احۋال دا ءماز ەمەس: تاۋلىگىنە 1200 ادام ۆيرۋس جۇقتىرعان. مانچەستەر ماڭىنداعى قالالاردا ەرەكشە سانيتاريا ءتارتىبى ەنگىزىلدى، ول جەردە COVID-19-دىڭ جاڭا وشاعى انىقتالعان. جەرگىلىكتى تۇرعىندارعا 20 ادامنان اساتىن ءىس- شارالارعا قاتىسۋعا تىيىم سالىنعان، سونىمەن قاتار قوعامدىق كولىككە مۇمكىندىگىنشە مىنبەۋ ۇسىنىلادى.
گەرمانيادا قوعامدىق ءىس- شارالار ۇيىمداستىرۋعا رۇقسات ەتىلگەن، ءبىراق الدىن الۋ شارالارىن قاتاڭ ساقتاۋ مىندەتتەلەدى. دەگەنمەن، كۇزگى فەستيۆالدەردىڭ ءوتۋ- وتپەۋى بەلگىسىز بولىپ تۇر، ويتكەنى ەۋروپا ەلدەرى سەكىلدى گ ف ر- دا دا COVID-19 ىندەتى ءورشىپ بارادى.
اۆتور: بالنۇر قوجاگەلدى