بۇل تۋرالى وداقتىڭ سىرتقى جانە سىرتقى قاۋىپسىزدىك ساياساتىنىڭ جوعارى وكىلى جوزەپ بوررەل El Pais باسىلىمىنا بەرگەن سۇحباتىندا ايتتى، - دەپ حابارلايدى Tengrinews.kz ءتىلشىسى.
ونىڭ ايتۋىنشا، ول بۇل جاعدايعا قاراماستان وداق لۋكاشەنكومەن ديپلوماتيالىق بايلانىستى جالعاستىرۋى كەرەك.
«ءبىز ونى مويىندامايمىز، ءبىراق ونىمەن ديالوگ ورناتۋىمىز كەرەك»، - دەيدى بوررەل.
ول لۋكاشەنكونىڭ جاعدايى ۆەنەسۋەلا پرەزيدەنتى نيكولاس مادۋرومەن ۇقساس ەكەنىن ايتتى. سەبەبى، بريۋسسەل ونى زاڭدى جولمەن سايلانعان جوق دەگەن ۇستانىمدا.
«بۇل سىزگە ۇناي ما، ۇناماي ما، ءبىراق ولار ۇكىمەتتى باسقارىپ وتىر. ءبىز ولاردىڭ دەموكراتيالىق لەگيتيمدىگىن مويىنداماساق تا، بايلانىستا بولۋىمىز كەرەك»، - دەيدى جوزەپ بوررەل.
سونداي-اق، بوررەل بەلارۋستەگى جاعدايدى ۋكراينامەن سالىستىرۋعا بولمايتىنىن جەتكىزدى.
«ەۋروپالىق وداق بەلارۋستى ەكىنشى ۋكرايناعا اينالدىرعىسى كەلىپ وتىرعان جوق»، - دەيدى باسشى.
«بەلارۋستىڭ ماسەلەسى رەسەي نەمەسە ەۋروپانى تاڭداۋدا ەمەس، ەركىندىك مەن دەموكراتيالىق تاڭداۋ جولىندا»، - دەيدى جوزەپ بوررەل.
13- تامىزدا بوررەل بەلارۋس پرەزيدەنتى الەكساندر لۋكاشەنكونى حالىققا قارسى كۇش قولدانۋدى توقتاتىپ، قوعاممەن بايلانىس ورناتۋعا شاقىرعان بولاتىن. ول بۇلاي بولماعان جاعدايدا بەلارۋسكە قارسى سانكسيالار سالىناتىنىن ەسكەرتكەن.
ايتا كەتەيىك، 9- تامىزدا بەلارۋستە پرەزيدەنت سايلاۋى ءوتىپ، سوڭى تارتىپسىزدىكتەرگە ۇلاسقان ەدى.