كوزدەگەن ماقساتى - سۋعا باتقان ادامعا العاشقى كومەك كورسەتۋ تاسىلدەرىن كاسىبي مامانداردان ۇيرەنۋ. دايۆەرلەردىڭ بۇعان دەيىن ەرىكتى تۇردە اتقارىپ جۇرگەن قىزمەتى كوپ. ولار وتكەن اپتادا كۇنى بويى كاسپييگە سۇڭگىپ، جاعالاۋ تۇبىنەن ءۇش تونناداي قوقىس شىعاردى.
دايۆەرلەردىڭ بۇعان دەيىن ەرىكتى تۇردە اتقارىپ جۇرگەن قىزمەتى كوپ. ولار وتكەن اپتادا كۇنى بويى كاسپيگە سۇڭگىپ، جاعالاۋ تۇبىنەن ءۇش تونناداي قوقىس شىعاردى. اقتاۋلىق دايۆەرلەر 12 -تامىز - كاسپيي كۇنى قارساڭىندا ۇزىندىعى بەس شاقىرىم جاعالاۋ ءتۇبىن كۇل- قوقىستان تازارتتى. قولىنا سۋاستى اڭشى قۇرالىنىڭ ورنىنا پوليەتيلەن قاپشىق ۇستاپ، سۋعا سۇڭگىدى. تاڭسارىدەن تۇسكە دەيىن ءۇش تونناداي تۇرمىستىق قالدىقتاردى جاعاعا شىعاردى. جاعاجاي استىن تازارتۋ 4- ى جانە 15- شاعىن اۋداندار ارالىعىن قامتىدى. جينالعان قوقىس كەشكە ارنايى پوليگوندا ورتەلدى.
ءشامىل تەمىرحان ۇلى، «ماڭعىستاۋ سۋاستى اڭشىلىعى فەدەراتسياسى» قوعامدىق ۇيىمىنىڭ نەگىزىن قالاۋشى:
- بيىل رەت ءبىرىنشى رەت ءوتىپ تۇرعان شاراعا جيىرماعا جۋىق اۋەسقوي- سۇڭگۋىر قاتىستى. كۇتكەنىمىزدەي، تەڭىز تۇبىنەن جينالىپ الىنعان قوقىس از بولمادى. كولىك دوڭگەلەكتەرى، پلاستيك بۇيىمدار. ولار تەڭىزدى مەكەندەۋشىلەرگە قاتەرلى ەكەنى تۇسىنىكتى. قالدىقتار جاعالاۋدان لاقتىرىلۋى نەمەسە كەمەلەردەن دە تاستالۋى مۇمكىن. بۇل شارانى ەندى جىل سايىن وتكىزۋدى جوسپارلاپ وتىرمىز.
«ماڭعىستاۋ سۋاستى اڭشىلىعى فەدەراتسياسى» قوعامدىق ۇيىمى بيىل اقتاۋدا العاش رەت سۋ استىندا نىسانا كوزدەۋدەن سايىس وتكىزدى. الدىمەن تەڭىز سۋى قۇيىلعان باسسەينى بار سپورت كەشەنىن دايىنداپ، سايىس ەرەجەلەرىن الەۋمەتتىك جەلىگە جاريالادى. بايقاۋعا اقتاۋ، جاڭاوزەن قالاسى مەن اۋدانداردان 25 اۋەسقوي سۇڭگۋىر كەلىپ قاتىستى.
جاڭابەك مەڭدىعالين، «ماڭعىستاۋ سۋاستى اڭشىلىعى فەدەراتسياسى» قوعامدىق ۇيىمىنىڭ وكىلى:
- جارىس شارتى بويىنشا ءار سۇڭگۋىر اكۆالانگسىز سۋعا سۇڭگىپ، ءۇش مەتر قاشىقتىقتا تۇرعان نىساناعا سۋاستى اڭشى قۇرالىنان ءۇش رەت جەبە اتتى. بۇل رەتتە مەرگەندىگى مەن شاپشاڭدىعى نازارعا الىندى. جالپى سۋاستى سپورتىمەن اينالىسۋ دەنساۋلىققا وتە پايدالى. ءوزىڭدى فيزيكالىق فورمادا ۇستاۋعا پايداسى كوپ. الداعى ۋاقىتتا وسى شارانى تەك باسسەيندە ەمەس اۋا- رايىنا قاراپ اشىق تەڭىزدە وتكىزۋ دە جوسپاردا بار.
جالپى كوماندالىق ەسەپ بويىنشا اقتاۋلىق سپورتشىلار توپ جاردى. جەڭىمپازدارعا سۋاستى سپورتىنىڭ قۇرال- جابدىقتارى سىيعا بەرىلدى. قىزىقتى سايىسقا قاتىسقان دايۆەرلەر بۇگىندە قۇتقارۋشى بولۋدى ارمانداپ ءجۇر. ولاردى بۇعان باۋليتىن كاسىبي ماماندارمەن قازىر كەلىسسوزدەر ءجۇرىپ جاتىر.
www.24.kz