كەزدەسۋدى ق ر مادەنيەت جانە سپورت ۆيتسە- ءمينيسترى وركەن بيساقايەۆ اشىپ، قازىرگى كۇردەلى جاعدايدا نارىقتى نىعايتا وتىرا بيزنەس پەن مەملەكەت اراسىندا سىندارلى ديالوگ قۇرۋ قاجەتتىگىن اتاپ ءوتتى. كەزدەسۋ بارىسىندا 2020-2021 قىسقى ماۋسىمىنا تاۋداعى دايىندىق جانە ۇلتتىق پاركتەردە ەكوتۋريزمدى دامىتۋ ماسەلەلەرى تالقىلاندى. جىل بويى جۇمىس ىستەيتىن شىمبۇلاق تاۋ كۋرورتىنىڭ پرەزەنتاتسياسى بارىسىندا كومپانيانىڭ باس ديرەكتورى رينات ءابدىراحمانوۆ تۋروپەراتورلارمەن بىرگە پاكەتتىك ۇسىنىستاردى قالىپتاستىرۋعا ەرەكشە نازار اۋدارىپ، تۋريستىك قاۋىمداستىقتار باسشىلارىمەن كۋرورتتى ودان ءارى دامىتۋدى تالقىلادى.
«تاۋ شاڭعىسى دەمالىسىن ۇيىمداستىرۋ قازاقستاندا وتە پەرسپەكتيۆالى بيزنەس. ويتكەنى شەتەلدىك تۋريستەردىڭ ءبىزدىڭ تاۋلارىمىزعا دەگەن قىزىعۋشىلىعى بار جانە ءبىزدىڭ تۋريستەردىڭ ەۋروپانىڭ نەمەسە ورتالىق ازيا ەلدەرىنىڭ شەتەلدىك تاۋ شاڭعى كۋرورتتارىنا دەگەن سۇرانىسى دا بار»، - دەيدى Turan Asia LLP ديرەكتورى گۇلعايشا قاسەنحان قىزى.
ستاتيستيكاعا سايكەس، تاۋشاڭعى دەمالىسىن ۇناتاتىن تۋريست كۇنىنە ورتاشا ەسەپپەن 250 دوللار جۇمسايدى. ال جاعاجايعا باراتىن تۋريست تەك 50 دوللار شىعىندايدى. «Kazakh Tourism ۇك» ا ق- دان ءمالىم ەتكەندەي، كەزدەسۋدىڭ ەكىنشى ءبولىمى تولىعىمەن ەكوتۋريزم جانە تۋريستەردىڭ ەكولوگيالىق ساۋاتتىلىعىن ارتتىرۋ ماسەلەلەرىنە ارنالدى. «تامىر» جابايى تابيعاتتا بولۋ مەكتەبىنىڭ يدەيالىق جەتەكشىسى اسەل يسانوۆا تۋريستەردى قورشاعان ورتاعا ۇقىپتى قاراۋعا ۇيرەتۋ جوسپارلارى تۋرالى ايتىپ بەردى.
«ءبىز جۇرتشىلىققا تاۋداعى ءجۇرىس- تۇرىس ەرەجەلەرىن قوعامدىق دارىستەر، اقپاراتتىق تۋرلار، ءبىلىم بەرۋ جانە شابىتتاندىراتىن مەديا كونتەنت ارقىلى تانىستىراتىن بولامىز. ءبىزدىڭ باستى ماقساتىمىز - ادامنىڭ تابيعاتتا قاۋىپسىز بولۋىن، سونداي- اق تابيعاتتى ادامنىڭ زياندى اسەرىنەن قورعاۋدى قامتاماسىز ەتۋ»، - دەيدى اسەل يسانوۆا.
ءارى قاراي سپيكەر مەكتەپ جانىنان ەكو- ۆولونتەرلىك قوزعالىس قۇرىلاتىنىن، وعان ءبىر ايدا از ۋاقىت ىشىندە 600 دەن استام ادام تىركەلگەنىن حابارلادى. قوزعالىسقا قاتىسۋشىلار اراسىندا مەكتەپ وقۋشىلارى مەن ستۋدەنتتەردەن باسقا، كاسىبي ەرىكتىلەر، شىعارماشىلىق ادامدار، ەكولوگتار، بيولوگتار، اقپاراتتىق تەحنولوگيالار سالاسىنداعى ماماندار جانە باسقا دا مامانداندىرىلعان تۇلعالار بار.
«بىرلەسكەن ءىس- ارەكەتتەردىڭ ارقاسىندا پاركتىڭ لاستانۋى، فلورا مەن فاۋنانىڭ جويىلۋى، تۋريستىك اعىنداردى رەتتەۋ جانە باسقا دا ماڭىزدى ماسەلەلەردى شەشۋگە ۇلكەن ۇلەس قوسا الاتىنىمىزعا سەنىمدىمىن»، - دەپ قورىتىندىلادى ءا. يسانوۆا.