«№4 قالالىق كلينيكالىق اۋرۋحاناسىنىڭ جۇقپالى اۋرۋلار بولىمشەسىنە دەزينفەكتسيالىق جۇمىستار جۇرگىزىلەدى. مەديتسينالىق قىزمەتكەرلەر ەكى اپتالىق وقشاۋلانۋعا كەتەدى، سودان كەيىن وزدەرىنىڭ بەيىندى بولىمشەلەرىنە بۇرىنعى جۇمىسىنتارىنا ورالادى»، - دەپ حابارلادى الماتى قالالىق قوعامدىق دەنساۋلىق ساقتاۋ باسقارماسىنان.
بۇگىن «تورتتىك» ستاتسيونارىنان COVID-19 ۆيرۋسىنان ايىققان سوڭعى ناۋقاس ءجۇماادىل اقىمبەكوۆ ۇيىنە شىعارىلدى.
«مەندە اۋا جەتىسپەۋشىلىگى، قۇرعاق جوتەل، السىزدىك جانە ەنتىگۋ بولدى. ءبىر اپتا بويى دەنە قىزۋىم C 39,8°قا دەيىن كوتەرىلىپ، كەۋدە تۇسىم قاتتى اۋىردى. مەن اۋرۋحاناعا ءوزىم كەلدىم. ماعان ك ت جاساپ دەرەۋ اۋرۋحاناعا جاتقىزدى. ماعان ەكى جاقتى پوليسەگمەنتتىك پنيەۆمونيا دياگنوزى قويىلدى. مۇندا ماعان بالا سياقتى قامقورلىق تانىتىپ، ەمدەدى. دارىگەرلەر مەن مەدبيكەلەر ءاردايىم جانىمدا بولدى. ەكى اپتادان كەيىن قايتادان ءيىس، ءدام سەزە باستادىم. قازىر جاعدايىم جاقسى. ۇيگە شىعاردى. بۇل اۋرۋمەن ەشكىم اۋىرماسا ەكەن دەپ تىلەيمىن»، - دەيدى ءجۇماادىل اقىمبەكوۆ.
پاتسيەنت ەكى اپتالىق ءۇي كارانتينىنە جىبەرىلدى، ال №4 قالالىق كلينيكالىق اۋرۋحاناسىنىڭ جۇقپالى اۋرۋلار بولىمشەسىنە دەزينفەكتسيالىق جۇمىستار جۇرگىزىلەدى. 2020 -جىلى 24 -ماۋسىمدا الماتى قالاسى قوعامدىق دەنساۋلىق باسقارماسى مەن تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ بىرلەسكەن بۇيرىعى نەگىزىندە №4 ق ك ا- دا 25 توسەك- ورنى بار جۇقپالى اۋرۋلار بولىمشەسى اشىلدى، سول كەزدە جوسپارلى مەديتسينالىق كومەك كورسەتۋ توقتاتىلدى، فيزيوتەراپيا جانە وڭالتۋ بولىمشەسىن قايتا بەيىندەۋ ەسەبىنەن كوۆيدتىك بولىمشەسى قۇرىلدى. كلينيكانىڭ ەرىكتىلەرى قاتارىنان 44 ادامنان تۇراتىن مەديتسينالىق قىزمەتكەرلەر الىندى.
«جاڭا جۇقپالى اۋرۋلار بولىمشەسىنە جۇمىسقا قابىلداۋ تۋرالى حابارلامادان سوڭ كوپشىلىگى ويلانباستان ءوتىنىش بەردى. باستاپقىدا 14 دارىگەر جۇمىس ىستەدى، ونىڭ ىشىندە 4 رەانيماتولوگ، قالعان 10 دارىگەر قۇراما كوماندا: تراۆماتولوگ، ينفەكتسيونيست، تەراپيەۆت، رەابيليتولوگ دارىگەر، فگدس دارىگەرى، ۋدز دياگنوستيكاسى بار. قالعانى مەدبيكەلەر مەن سانيتارلار، سونداي- اق ەرىكتىلەر. بولىمشەدە 25 توسەك- ورىنعا جانە 5 رەانيماتسيالىق ورىنعا ەسەپتەلگەن، اۋرۋ ورشىگەن شاقتا شىندىعىندا 70 كە دەيىن اۋىر ناۋقاس جاتتى»، - دەپ ەسكە الادى جۇقپالى اۋرۋلار بولىمشەسىنىڭ مەڭگەرۋشىسى نۇرجان بايباحوۆ.