دەگەنمەن ءار ءتۇرلى جاعدايعا بايلانىستى ۇزاق ۋاقىت تولەي الماساڭىز ايىپپۇلدىڭ كۇشىن زاڭدى تۇردە جويۋعا بولادى.
ايىپپۇل - بۇرىننان كەلە جاتقان جازا ءتۇرى. بۇل كوپتەگەن مەملەكەتتەردىڭ ازاماتتىق جانە قىلمىستىق قۇقىعىندا قولدانىلادى. ايىپپۇل دەگەنىمىز - زاڭدى بۇزعانى ءۇشىن سالىناتىن، ادەتتە مەملەكەت پايداسىنا ءوندىرىپ الىناتىن اقشالاي قاراجات.
جول پوليتسياسى جۇرگىزۋشىگە ەرەجە بۇزعانى ءۇشىن ايىپپۇل سالسا جەتى تاۋلىكتىڭ ىشىندە P تولەۋ ارقىلى ونىڭ مولشەرىن ازايتۋعا بولادى. سونداي- اق ارنايى كامەرالار سالعان ايىپپۇلدى دا جەڭىلدىكپەن تولەۋگە مۇمكىندىك بار.
جول ەرەجەسىن بۇزعان جۇرگىزۋشى ايىپپۇلدى تولەۋدەن جالتارىپ جۇرسە اكىمشىلىك جازا قولدانۋ تۋرالى شەشىمدى ءماجبۇرلى تۇردە ورىندالۋى بويىنشا ۇكىم شىعادى. بۇل پروتسەسس ەكى كەزەڭگە بولىنەدى. ەگەر ۇكىم كۇشىنە ەنىپ، الايدا سوت ءبىر جىلدىڭ ىشىندە سوت ورىنداۋشىسىنا جىبەرمەسە ەرەجە بۇزعان جۇرگىزۋشى ايىپپۇلدى تولەمەۋگە قۇقىلى.
سونداي- اق جۇرگىزۋشىگە ءىستىڭ ءماجبۇرلى ورىندالۋعا جىبەرىلگەنى تۋرالى رەسمي ەسكەرتۋ قاجەت. ءار ايىپپۇلدى ادىلەت مينيسترلىگىنىڭ رەسمي سايتىندا تەكسەرۋگە بولادى. ەگەر ارنايى قوردا ەسىمىڭىز بولماسا ايىپپۇلدى وشىرۋگە بولادى. ال كەرى جاعدايدا سوت ورىنداۋشىسىنان حابار كۇتەسىز.
مەرزىمى 1 جىل 25 تاۋلىكتەن اسقان ايىپپۇلدىڭ كۇشىن جويۋ ءۇشىن پوليتسيا بولىمشەسىنە جۇگىنۋ قاجەت. ەسىڭىزدە بولسىن، ايىپپۇلدى العان مەكەن- جاي بويىنشا پوليتسيا باسقارماسىنا باراسىز. ول جەردە جازباشا تۇردە نە «ەلەكتروندى ۇكىمەت» پورتالىندا ارىز جازۋ ارقىلى ايىپپۇلدىڭ كۇشىن جوياسىز.
massaget.kz