بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ ايتتى، دەپ حابارلايدى قازاقپارات ءتىلشىسى.
«ەل پرەزيدەنتى قاسىم- جومارت توقايەۆ بالالارعا ەكولوگيالىق ءبىلىم بەرۋ جانە تاربيەلەۋ بويىنشا تاپسىرما جۇكتەدى. قازىرگى ۋاقىتتا ساراپشىلارمەن بىرلەسىپ، ەكولوگيالىق ءبىلىم بەرۋ جانە تاربيە بويىنشا تولىققاندى تۇجىرىمداما دايىندايمىز. سالالىق مينيسترلىكپەن بىرلەسىپ، ساراپشىلارمەن بىرنەشە كەزدەسۋ وتكىزىپ، تالقىلادىق. وسى جىلدان باستاپ ءبىرىڭعاي باعدارلاما بويىنشا ەكولوگياعا قاتىستى سىنىپ ساعاتتارى باستالادى جانە مەكتەپ باعدارلاماسىنا ەكولوگيالىق ءبىلىم بەرۋ ماسەلەسى ىقپالداستىرىلاتىن بولادى»، - دەدى مينيستر پەداگوگتار مەن ءبىلىم جانە عىلىم سالاسى قىزمەتكەرلەرىنىڭ رەسپۋبليكالىق تامىز كەڭەسى بارىسىندا.
ونىڭ اتاپ وتۋىنشە، الداعى ۋاقىتتا ەكولوگيا ساعاتتارى مەكتەپكە دەيىنگى ءبىلىم بەرۋ ۇيىمدارىندا دا وقىتىلماق.