«بالانىڭ وڭ جاق اياعىنا بىردەن وپەراتسيا جاسالدى. قازىر ناۋقاستىڭ جاعدايى ورتاشا اۋىر. تراۆماتولوگيا بولىمىندە ەمىن الىپ جاتىر»، - دەدى الاكول اۋداندىق اۋرۋحاناسىنىڭ تراۆماتولوگيا ءبولىمىنىڭ مەڭگەرۋشىسى جاندوس سادىقوۆ.
ەستەرىڭىزگە سالا كەتەيىك، 20-تامىز كۇنى الماتى وبلىسىندا ەكى جاسوسپىرىم ەسكى عيماراتتا سەلفي جاسايمىن دەپ مەرت بولدى. وقيعا الاكول اۋدانىنا قاراستى بەسكول اۋىلىنىڭ ماڭىندا بولعان. 15 جانە 16 جاستاعى ەكى جەتكىنشەك بالىق زاۋىتىنىڭ ماڭىنداعى ەكى قاباتتى عيماراتتا سۋرەتكە تۇسپەك بولعان كەزدە ولاردىڭ ۇستىنە بەتوندى پليتا قۇلاپ كەتكەن. وبلىستىق توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتى بويىنشا تاعى ءبىر 15 جاستاعى ەر بالانىڭ وڭ اياعى سىنىپ، ءۇشارالداعى اۋرۋحاناعا جەتكىزىلگەن.
ەستەرىڭىزگە سالا كەتەيىك، وسى ايدىڭ باسىندا ءدال وسى اۋداندا الاكول جاعاسىندا جار قۇلاپ، 17 جاسار قىزدى توپىراق باسىپ، بويجەتكەن وقيعا ورنىندا ءتىل تارتپاي كەتتى.
اۆتور: سامال قابىشيەۆا