سپورت كوميتەتىنىڭ باسپا ءسوز قىزمەتىنەن ءمالىم ەتكەندەي، س. ساپيەۆ بالا كۇتىمىنە بايلانىستى ەڭبەك دەمالىسىنا شىقتى، ال ونىڭ ۇستالعانى تۋرالى الىپ-قاشپا اڭگىمەلەر - جالعان.
«سەرىك ساپيەۆ تامىزدىڭ 12 سىنەن جەلتوقساننىڭ 23 ىنە دەيىن بالا كۇتىمىنە بايلانىستى رەسمي تۇردە ەڭبەك دەمالىسىنا شىقتى. ال كوميتەت ءتوراعاسىنىڭ مىندەتى ونىڭ ورىنباسارى سەرىك جاراسبايەۆقا جۇكتەلدى»، - دەدى كوميتەتتىڭ باسپا ءسوز قىزمەتىنەن.
بۇل رەتتە، الەۋمەتتىك جەلىدە سپورت جانە دەنە شىنىقتىرۋ ىستەرى كوميتەتىنىڭ ءتوراعاسى، بوكستان وليمپيادا چەمپيونى سەرىك ساپيەۆتىڭ اقتاۋداعى «Rixos Water World Aktau» قوناق ءۇيى قوناقتارىن ءوزىنىڭ شەبەرلىك ساباعىنا شاقىرعان ۆيدەوسى تارادى.