بۇل تۋرالى مەملەكەت باسشىسى ءوزىنىڭ Twitter- دەگى پاراقشاسىندا جازدى، دەپ حابارلايدى قازاقپارات.
«تۇركىستان وبلىسىنا ساپار اياسىندا ساردوبا سۋ قويماسىنداعى بوگەتتىڭ جارىلۋى سالدارىنان ءۇيسىز قالعان مىرزاكەنت اۋىلىنىڭ تۇرعىندارى ءۇشىن تۇرعىزىلعان جاڭا ىقشام اۋداندى قاراپ شىقتىم. قۇرىلىس جۇمىستارىنىڭ ساپاسىنا ەرەكشە نازار اۋدارعان ءجون»، - دەپ جازدى قاسىم- جومارت توقايەۆ.
ايتا كەتەيىك، مەملەكەت باسشىسى بۇگىن جۇمىس ساپارىمەن تۇركىستان وبلىسىنا باردى. پرەزيدەنت ساپارىن ساردوبا سۋ قويماسىنداعى اپاتتان زارداپ شەككەن تۇرعىندار ءۇشىن مىرزاكەنت اۋىلىندا سالىنىپ جاتقان جاڭا ىقشاماۋداننىڭ قۇرىلىسىمەن تانىسۋدان باستادى. سونداي- اق مەملەكەت باسشىسى ارىس قالاسىنداعى اسكەري پوليگونعا باردى. كەيىنىرەك ارىس قالاسىن قالپىنا كەلتىرۋ جۇمىستارىمەن تانىستى. ق ر پرەزيدەنتىنىڭ باسپا ءسوز حاتشىسى بەرىك ءۋاليدىڭ جازۋىنشا، قاسىم- جومارت توقايەۆ وسى ساپارى اياسىندا تۇركىستان قالاسىنا بارىپ، قوجا احمەت ياساۋي كەسەنەسىندەگى جوندەۋ جۇمىستارىن كورەدى، «ساپار ورتالىعىنىڭ» قىزمەتىمەن تانىسىپ، جاڭادان سالىنعان «جىبەك جولى» ساياباعىن ارالايدى.