Instagram-داعى قاراعاندى پاتريوتى پاراقشاسىنداعى مالىمەتكە قاراعاندا، جەرگىلىكتى تۇرعىندار تۇندە ايعاي- شۋ مەن مىلتىق داۋىسىن، بىرەۋلەردىڭ توبەلەسكەندىگىن ەستىگەن. سونىمەن قاتار وسى پاراقشادا قاراعاندى وبلىستىق پوليتسيا دەپارتامەنتىنىڭ باسپا ءسوز قىزمەتى تاراتقان اقپارات تا جاريالانعان. وندا 20- تامىز كۇنى تۇنگى ساعات 01-00 دە شاحتينسك ورتالىق اۋرۋحاناسىنا پىشاق جاراقاتىمەن 24 جاستاعى قالا تۇرعىنى جەتكىزىلگەندىگى ايتىلعان.
«ول ەسىن جيماستان قايتىس بولدى. اتالعان فاكتى بويىنشا ق ر قىلمىستىق كودەكسىنىڭ 1 -ءبولىمىنىڭ «ادام ءولتىرۋ» 99-بابى بويىنشا بەرگەۋ باستالدى. قازىرگى ۋاقىتتا پوليتسيا قىزمەتكەرلەرى كۇدىكتىنى انىقتاۋ جانە ۇستاۋ بويىنشا جەدەل ىزدەستىرۋ شارالارىن جۇرگىزىپ جاتىر»، - دەپ اتاپ وتكەن پوليتسيا دەپارتامەنتىنەن.