ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا مينيستردەن بيىل بەلارۋس پەن قازاقستان اراسىنداعى تاۋار اينالىمىنىڭ تومەندەۋ مۇمكىندىگى تۋرالى سۇراق قويىلدى.
«بولجام جاساۋ - نەگىزىنەن جاقسى اتاق اكەلمەيدى. ساۋدا مينيسترلىگىنىڭ ءرولى كەدەرگىلەردى ازايتۋعا ارنالعان. ەكىجاقتى تالقىلاۋ الاڭىندا، ە ا ە و الاڭىندا ءبىزدىڭ كاسىپكەرلەر ءۇشىن كەدەرگىلەردى ازايتۋ قادامدارىن ىسكە اسىرامىز. حالىقارالىق جانە ىشكى ساۋداعا اسەر ەتەتىن فاكتورلار وتە كوپ. وكىنىشكە قاراي، ىشكى وڭىرلىك ساۋدا بويىنشا كورسەتكىشتەر ءتيىستى دەڭگەيدە ەمەس. كوروناۆيرۋس ىندەتىنىڭ اسەرى ناتيجەسىندە بۇل كورسەتكىش تومەندەدى. اتاپ ايتقاندا، فاكتورلار از ەمەس. دەگەنمەن دە كەلىسىمشارتتاردىڭ ورىندالۋىنا قانداي دا ءبىر كەدەرگىلەر بولمايدى دەپ ۇمىتتەنەمىز»، - دەدى ب. سۇلتانوۆ.
بۇدان بۇرىن حابارلانعانداي، الەمدەگى ساۋدانىڭ جالپىلاي تەجەلۋى تۇرعىسىندا قازاقستاننىڭ سىرتقى ساۋدا اينالىمى ءبىرىنشى جارتىجىلدىق قورىتىندىسى بويىنشا 7,4 پايىزعا تومەندەدى.
اۆتور: رۋسلان عابباسوۆ