قازىر 37 جاستاعى تۇرعىننىڭ ۇستىنەن 316-بابى («جانۋارلارعا قاتىگەزدىك جاساۋ») بويىنشا قىلمىستىق ءوندىرىس قوزعالدى. وقيعا بۇگىن قۇلجا تاس جولىنىڭ بويىندا بولدى.
ارقانمەن بايلانعان ءيتتى جۇك كولىگى سۇيرەپ بارا جاتقان ۆيدەو الەۋمەتتىك جەلىدە تارادى. ۇستالعان ازاماتتىڭ ايتۋىنشا، ول قوقىس تاسۋمەن اينالىسادى. ءيتتىڭ ولەكسەسىن كورگەن سوڭ كولىك جۇرگىزۋشى ونى ادامدار جوق جەرگە اپارىپ تاستاعىسى كەلگەن. الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ۇستالعان ازامات ەڭبەكشى قازاق اۋدانىنىڭ تۇرعىنى.
ايتا كەتەيىك، قازاقستاندا جانۋارلاردى قورعاۋعا جانە ولارعا قاتىگەزدىك كورسەتكەندەرگە جاۋاپكەشىلىكتى كۇشەيتۋگە باعىتتالعان زاڭ جوباسى ازىرلەندى. قازىر قۇجات قوعام تالقىلاۋىنا ۇسىنىلعان.
«قازىرگى ۋاقىتتا بارلىق جانۋارلارعا، ونىڭ ىشىندە، ءۇي، جابايى جانە اۋىل شارۋاشىلىعى جانۋارلارىنا جاۋاپكەرشىلىكپەن قاراۋ تۋرالى بىردە- ءبىر زاڭ جوق. جانۋارلارعا قاتىگەزدىك كورسەتكەن ادامدار تۋرالى حابارلامالار الەۋمەتتىك جەلىلەردە ءجيى كەزدەسىپ جاتىر. الايدا، بۇگىندە قازاقستانداعى جانۋارلارعا قاتىگەزدىك كورسەتكەنى ءۇشىن تاعايىندالاتىن جازا تىم جەڭىل. سوندىقتان، مەملەكەت باسشىسى قاسىم- جومارت كەمەل ۇلىنىڭ تاپسىرماسى بويىنشا، ءبىرىنشى كەزەكتە، جانۋارلاردى حايۋاناتتار باعىندا ۇستاۋعا قويىلاتىن تالاپتاردى قاتاڭداتۋدى العا قويىپ وتىرمىز»، - دەگەن بولاتىن ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ.
اۆتور: سامال قابىشيەۆا