ەلوردالىقتار اشىق اسپان استىنداعى كينوتەاتردان قانداي فيلم كورە الادى

نۇر- سۇلتان. قازاقپارات - ەلورداداعى كوپشىلىكتىڭ كوڭىلىنەن شىققان اشىق اسپان استىنداعى كينوتەاتر جوباسى كورەرمەندەرمەن قايتا قاۋىشتى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

17-تامىزدان دالاداعى اۆتو- كينوتەاتر فورماتىندا بولاتىن Nur- Sultan Auto-cinema Festival قايتا جانداندى. ەندى قالا تۇرعىندارى مەن قوناقتارى كينوتەاتردان شەتەلدىك نەمەسە وتاندىق كينو كارتينالاردى تەگىن تاماشالاي الادى. فەستيۆالدە ۇيىمداستىرۋشىلار ەپيدەميولوگيالىق جاعدايدى ەسكەرىپ، ەشقانداي قاتىناسسىز تىسكەباسارلار مەن سالقىن شىرىندار جەتكىزۋدى قامتاماسىز ەتەدى.

«اۆتو- كينوتەاتر اۋماعىنا كەلۋشىلەر بارلىق سانيتارلىق نورمالاردى ۇستانۋى ءتيىس، وزىمەن بىرگە مەديتسينالىق بەتبەردە مەن قولعاپتاردىڭ بولۋى، الەۋمەتتىك اراقاشىقتىقتى ۇستانعانى ءجون» ، - دەيدى ۇيىمداستىرۋشىلار.

19 - تامىزدا كورسەتىلەتىن فيلمدەر كەستەسى: 20:30 «پۋتەشەستۆەننيك» (رەجيسسە رى نياز ابديگاپار) 22:00 «سچاستليۆوە چيسلو 5» (يگور تۋۆەري)

20 -تامىزدا كورسەتىلەتىن فيلمدەر كەستەسى: 20:30 «سۆادبا نا ترويح» (رەجيسسەرى اسقار بيسەمبين) 22:30 «مەندي» ( رەجيسسەرى پانوس كوسماتوس)

21 - تامىزدا كورسەتىلەتىن فيلمدەر كەستەسى: 20: 30 «قىز» ( رەجيسسەرى قاناعات مۇستافين) 22:25 «شپيونسكايا يگرا» ( رەجيسسەرى بەن لۋين)

22 -تامىزدا كورسەتىلەتىن فيلمدەر كەستەسى: 20:30 «دەتي سولنتسا» ( رەجيسسەرى نياز ابديگاپار) 22:40 «مى ۆسەگدا جيلي ۆ زامكە» ( رەجيسسە رى ستەيسي پاسسون) اتالعان شارا «Astana Arena» ستاديونىنىڭ قابانباي باتىر داڭعىلىنا قارايتىن كولىك تۇراعىندا وتەتىن بولادى.