بۇل تۋرالى سىبايلاس جەمقورلىققا قارسى كۇرەس ماسەلەلەرى جونىندەگى كەڭەستە ءسوز سويلەگەن ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«ازاماتتارمەن ديالوگ ورناتۋ ارقىلى سىبايلاس جەمقورلىق بەلەڭ الىپ، قوعام نارازىلىعىن تۋعىزىپ جۇرگەن تۇيتكىلدى سالالاردى انىقتاۋعا بولادى. ادامدار بۇرىنعىشا جوعارى وقۋ ورنى، كوللەدج، ءتىپتى، مەكتەپتەردەگى سىبايلاس جەمقورلىقتى ايتىپ، شاعىمدانادى. جەمقورلىق ازاماتتارىمىزدىڭ بويىنا ءسىڭىپ، ءتىپتى، قوعامنىڭ قالىپتى قۇبىلىسىنا اينالىپ كەتۋى مۇمكىن. باستى ماسەلە - وسى»، - دەدى قاسىم- جومارت توقايەۆ.
مەملەكەت باشىسىنىڭ دەرەگىنشە، كاسىپكەرلەر جەر كوميتەتى، ورتكە قارسى قىزمەت، سالىق جانە كەدەن ورگاندارىن جەمقورلىق جايلاعان دەپ ەسەپتەيدى. جولدىڭ ساپاسىنا بايلانىستى دا جۇرتشىلىقتىڭ الاڭداۋشىلىعى جوعارى.
«سونداي- اق، سىبايلاس جەمقورلىققا قارسى ءىس- قيمىل كوميسسياسى ماعان سۋ شارۋاشىلىعى سالاسىندا ايتارلىقتاي تۇيتكىلدەر بار ەكەنىن حابارلادى. مىنە، وسى ماسەلەلەر بويىنشا قوعامدىق باقىلاۋ تەتىگى جۇمىس جاساۋعا ءتيىس. بۇل شاراعا ۇكىمەتتىك ەمەس ۇيىمداردى تارتقان ءجون. ولاردى نورماتيۆتىك- قۇقىقتىق اكتىلەردى ساراپتاۋ ىسىنە قاتىستىرۋ كەرەك»، - دەدى ق ر پرەزيدەنتى.