بۇل تۋرالى سىبايلاس جەمقورلىققا قارسى كۇرەس ماسەلەلەرى جونىندەگى كەڭەستە ءسوز سويلەگەن ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«مالىمەتتەر بازاسىن ودان ارى ينتەگراتسيالاۋ ماسەلەسىنە ايرىقشا نازار اۋدارۋ قاجەت. ءالى كۇنگە دەيىن ءبىر ۆەدومستۆونىڭ شاعىمىنا جاۋاپ بەرۋ ءۇشىن باسقا مەملەكەتتىك ورگاننان انىقتاما اپارۋ تاجىريبەسى تىيىلار ەمەس. مۇنداي اناحرونيزمدى سيفرلاندىرۋ جويۋى ءتيىس»، - دەدى مەملەكەت باسشىسى.
ق ر پرەزيدەنتىنىڭ دەرەگىنشە، اشىق بيۋدجەتتەر ينتەراكتيۆتى كارتاسى 2019-2020 -جىلداردىڭ ىشىندە بيۋدجەتتىڭ 7 تريلليون تەڭگەدەن استام اقشاسىنىڭ جۇمسالۋى تۋرالى جالپىعا قولجەتىمدى اقپاراتتى قامتاماسىز ەتتى.
«سەرگەك» زاڭ بۇزۋشىلىقتاردى تىركەۋ بولىگىندە الدىڭعى قاتارلى تەحنولوگيالاردىڭ مەملەكەتكە قانداي پايدا اكەلەتىندىگىن كورسەتتى. بۇعان قوسا، ول قولىنىڭ سۇعى بار جول پوليتسەيلەرىن جەمقورلىق تابىستارىنان قاقتى. بارلىق مەملەكەتتىك ورگاندار، ءبىرىنشى كەزەكتە اكىمدىكتەر وسى تاجىريبەمەن قارۋلانۋى ءتيىس. مۇنداي سيفرلىق شەشىمدەر ادامي فاكتورلاردى الىپ تاستاپ، جەمقورلىققا سەپ بولاتىن جاعدايلاردى جويادى»، - دەدى قاسىم- جومارت توقايەۆ.
اۆتور: مارلان جيەمباي