باسپاءسوز قىزمەتىنىڭ مالىمەتتەرىنە قاراعاندا، ق ر فارماتسيەۆتيكا سالاسىنداعى احۋال مەن دامۋ پەرسپەكتيۆاسى تۋرالى يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ، دەنساۋلىق ساقتاۋ ۆيتسە- ءمينيسترى ل. بيۋرابەكوۆا، «س ق- فارماتسيا» باسقارما ءتوراعاسى ە. ەسقاليەۆ، «حيم فارم» ا ق ديرەكتورى ا. يسەنوۆا، «Super-pharm» ج ش س باسشىسى ق. قايمولدايەۆ، مەديتسينالىق بۇيىمداردى وندىرۋشىلەر قاۋىمداستىعىنىڭ ءتورايىمى گ. مۇحامەدجانوۆا باياندادى.
بيىلعى 7 ايدىڭ قورىتىندىسى بويىنشا پاندەميا كەزىندە فارماتسيەۆتيكا كاسىپورىندارىنىڭ ءوندىرىس كولەمى 23,2%- عا، 70,2 ملرد تەڭگەگە دەيىن ارتتى. سالادا 96 كاسىپورىن جۇمىس ىستەيدى، ونىڭ ىشىندە 33- ءى - ءدارى- دارمەكتەر بويىنشا، 41- ءى - مەديتسينالىق بۇيىمدار بويىنشا، 22- ءسى - مەديتسينالىق تەحنيكا بويىنشا.
يندۋستريالاندىرۋ كارتاسى اياسىندا 5 مىڭ جاڭا جۇمىس ورنىن قۇرۋمەن ينۆەستيتسيا سوماسى 62,9 ميلليارد تەڭگە بولاتىن 41 جوبا پايدالانۋعا بەرىلدى. قازاقستاننىڭ فارماتسيەۆتيكا يندۋسترياسىنىڭ «ءوسۋ نۇكتەلەرى» الماتى، شىمكەنت قالالارى مەن الماتى جانە قاراعاندى وبلىستارىندا بولىپ وتىر.
«قازاقستاننىڭ فارماتسيەۆتيكا يندۋسترياسىنىڭ دامۋ الەۋەتى زور. باستى مىندەت - جەتكىلىكتى قورى مەن نومەنكلاتۋراسىن كەڭەيتۋدى قامتاماسىز ەتۋ ارقىلى ءدارى- دارمەكتەر مەن مەديتسينالىق بۇيىمداردىڭ وتاندىق وندىرىسىنە سەرپىن بەرۋ. ەلىمىزدىڭ حالقى ءۇشىن ساپالى مەديتسينالىق ونىمدەر قولجەتىمدى بولۋى ءتيىس»، - دەدى ا. مامين.
وتاندىق فارماتسيەۆتيكا ءوندىرىسىن ودان ءارى دامىتۋ ماقساتىندا ۇكىمەت باسشىسى يندۋستريا مينيسترلىگىنە بيزنەس قاۋىمداستىعىنىڭ پىكىرىن ەسكەرۋمەن فارماتسيەۆتيكا سالاسىن دامىتۋ باعدارلاماسىن ازىرلەپ، ونىڭ جوباسىن بيىلعى قىركۇيەك ايىندا ۇسىنۋدى تاپسىردى. پرەمەر- مينيستر وتاندىق ءدارى- دارمەكتەر نارىعىندا حالىققا قولجەتىمدىلىك پەن ساپانى، ال بيزنەس ءۇشىن تيىمدىلىكتى قامتاماسىز ەتەتىن وڭتايلى باعالار بەلگىلەنۋى ءتيىس ەكەنىن اتاپ ءوتتى. سونىمەن قاتار مەديتسينالىق ماسكالار مەن باسقا دا جەكە قورعانىش قۇرالدارىن ءوندىرۋ ستاندارتتارىن بەكىتۋدى تاپسىردى.
دەنساۋلىق ساقتاۋ مينيسترلىگىنە «س ق- فارماتسيامەن» بىرلەسىپ، مەديتسينالىق ۇيىمداردا ءدارى- دارمەكتەردىڭ بولۋىن جوسپارلاۋ تەتىكتەرىن قايتا قاراۋ، ءدارى- دارمەكتەردى تىركەۋ تالاپتارىن وڭتايلاندىرۋ، وتاندىق وندىرۋشىلەر ءۇشىن ساتىپ الۋ كولەمىن بولجاۋ جۇيەسىن ەنگىزۋ تاپسىرىلدى. ۇكىمەت باسشىسى وتاندىق ءدارى- دارمەكتەردىڭ سىرتقى نارىقتارعا جەدەل شىعۋىن قامتاماسىز ەتۋ، جاڭا دارىلەردى تىركەۋ كەزىندەگى كەدەرگىلەردى بارىنشا ازايتۋ قاجەتتىگىن اتاپ ءوتتى.
ا. مامين جۇمىس ساپارى اياسىندا «ارسەلور ميتتال تەمىرتاۋ» ا ق- عا بارىپ، «قاراعاندى - تەمىرتاۋ» اۆتوموبيل جولىنىڭ كولىك ايرىعىن قارادى، سونداي- اق دەنساۋلىق ساقتاۋ نىساندارىنىڭ، «قاراعاندى فارماتسيەۆتيكالىق كەشەنى» يممۋنوبيولوگيالىق جانە بيوفارماتسيەۆتيكالىق پرەپاراتتاردى ءوندىرۋ كاسىپورنىنىڭ، «ليندە گاز قازاقستان» تەحنيكالىق جانە مەديتسينالىق گازداردى شىعارۋ زاۋىتىنىڭ، «امانات» دارىلىك زاتتار مەن مەديتسينالىق بۇيىمداردى ساقتاۋ جانە قىزمەت كورسەتۋ جونىندەگى لوگيستيكالىق كەشەننىڭ جۇمىسىمەن تانىستى.