بۇل تۋرالى ق ر اقپارات جانە قوعامدىق دامۋ مينيسترلىگى Telegram ارناسى ارقىلى حابارلادى.
«قۇرمەتتى ابونەنتتەر، قازىرگى ۋاقىتتا what's up مەسسەندجەرىندە جەرسەرىكتىك جانە ەفيرلىك تەلەراديو حابار تاراتۋ جەلىلەرىندە جوسپارلى الدىن الۋ جۇمىستارىنىڭ جۇرگىزىلۋى تۋرالى جالعان اقپارات تاراۋدا. وسى رەتتە سىزدەردى ۇرەيگە بوي الدىرماي، تەك رەسمي مالىمەتكە سەنۋلەرىڭىزدى سۇرايمىز. «قازتەلەراديو» ا ق توقسان سايىن جەرسەرىكتىك جانە ەفيرلىك جەلىلەردىڭ تەحنيكالىق قۇرالدارىندا سەرۆيستەردى جابا وتىرىپ، جوسپارلى-پروفيلاكتيكالىق جۇمىستار جۇرگىزەدى»، - دەلىنگەن حابارلامادا.
سونداي-اق وندا بۇل جۇمىستاردىڭ تەلەراديو حابارلارىن ساپالى تاراتۋدى قامتاماسىز ەتۋ ءۇشىن قاجەت ەكەنى ايتىلعان.
ال توقسان سايىنعى جوسپارلى-پروفيلاكتيكالىق جۇمىستار سەرۆيستى ۇزاق ۋاقىت وشىرۋگە مۇمكىندىك بەرەدى، سوندىقتان وسى ۋاقىت ىشىندە تەحنيكالىق قۇرالداردى جاڭعىرتۋ بويىنشا قوسىمشا جۇمىستار دا جۇزەگە اسىرىلادى.