شىعىس قازاقستان وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، شىلدە ايىنىڭ سوڭىندا پوليتسيا بولىمشەسىنە حابارلاسقان 66 جاستاعى قالا تۇرعىنى الاياقتىڭ تۇزاعىنا تۇسكەنىن ايتقان. ونى جاسى 50 لەر شاماسىنداعى ايەل پالە- جالا مەن كوز تيۋدەن الاستايمىن دەپ الداپ، 3 مىڭ ا ق ش دوللارىن، 40 مىڭ تەڭگەسىن جانە گاۋھار تاستى اشەكەي بۇيىمدارىن يەمدەنىپ كەتكەن. جابىرلەنۋشىگە كەلتىرىلگەن ماتەريالدىق شىعىننىڭ جالپى مولشەرى 2 ميلليون تەڭگەنى قۇرادى.
«جەدەل- ىزدەستىرۋ شارالارىن جۇرگىزۋ بارىسىندا ءتارتىپ ساقشىلارى كۇدىكتىنى قولعا ءتۇسىردى. 48 جاستاعى الماتى قالاسىنىڭ تۇرعىنى ءوز كىناسىن مويىنداپ وتىر. ايعاقتى زاتتار تاركىلەنگەن. قازىرگى ۋاقىتتا ق ر قىلمىستىق كودەكسىنىڭ 190-بابى 1-بولىگى (الاياقتىق) بويىنشا سوتقا دەيىنگى تەرگەۋ امالدارى جۇرگىزىلۋدە»، - دەيدى ش ق و پوليتسيا دەپارتامەنتىنىڭ باستىعى ساعات ماديەۆ.