الماتىنىڭ يندۋستريالدى ايماعىندا ءتورت وندىرىستىك پارك ىسكە قوسىلادى

الماتى. قازاقپارات - «يندۋستريالدى ايماق - الماتى» ج ش س ديرەكتورى بەرىكبول ماندىبايەۆ ونلاين بريفينگتە قالاداعى شاعىن وندىرىستىك پاركتەردى دامىتۋ جوباسى تۋرالى ايتىپ بەردى، دەپ حابارلايدى قازاقپارات ءتىلشىسى.

«2021 -جىلى جانە ودان كەيىنگى جىلدارى 5,5 مىڭنان استام جۇمىس ورنىن قۇرۋعا مۇمكىندىك بەرەتىن، قۇنى 160 ميلليارد تەڭگە تۇراتىن 38 جوبانى ىسكە قوسۋ جوسپارلانىپ وتىر»، - دەيدى بەرىكبول ماندىبايەۆ.

بۇدان بولەك، 2020 -جىلدىڭ سوڭىنا دەيىن الماتىنىڭ يندۋستريالدى ايماعىندا ءتورت شاعىن ءوندىرىس پاركى ىسكە قوسىلادى. قازىرگى ۋاقىتتا قۇرىلىس كومپانيالارى

(«KazStroyTrade» ЖШС, «D&J «Industries & Logistic» ЖШС, «Ala Estate» ЖШС, «ADS Industries» ЖШС)

جوبالىق جۇمىستاردى اياقتاپ قالدى. ءوندىرىس عيماراتتارىنىڭ جالپى اۋماعى 36 مىڭ شارشى مەتر. ولارعا قۇرىلىس، جيھاز، جەڭىل جانە تاعام ونەركاسىبى سالاسىنداعى ءوندىرىس ورىندارى ورنالاستىرىلادى. وندىرىستىك پاركتەردە ءبىر مىڭنان استام جاڭا جۇمىس ورنىن اشۋ جوسپارلانعان.

«شاعىن ءوندىرىس پاركتەرىن دامىتۋ جوباسى «الماتى بيزنەس - 2025» شاعىن جانە ورتا كاسىپكەرلىكتى دامىتۋ باعدارلاماسى بويىنشا جۇزەگە اسىرىلۋدا. ونىڭ اياسىندا قالا اۋماعىندا ءوندىرىس عيماراتتارىن ينۆەستورلار مەن ءوندىرىس بازالارىنىڭ مەنشىك يەلەرى سالادى. ءوندىرىس عيماراتتارى شاعىن جانە ورتا بيزنەس سۋبەكتىلەرىنە جەڭىلدەتىلگەن شارتتارمەن: 5-7 جىلعا دەيىنگى مەرزىمگە ديەۆالۆاتسيالىق قاۋىپكە قاراماستان بەرىلەدى. عيماراتتى جالعا الۋ قۇنى شارشى مەتر ءۇشىن 1000-1200 تەڭگەنى قۇرايدى. عيماراتتى ساتىپ الۋ قۇنى شارشى مەتر ءۇشىن 145000 تەڭگە. الماتى قالاسىنىڭ اۋماعىنداعى يندۋستريالدى ايماقتا شاعىن ءوندىرىس پاركىن سالۋ ىسىنە قاتىسۋعا 70-تەن استام كومپانيا قىزىعۋشىلىق ءبىلدىردى»، - دەيدى يندۋستريالدى ايماق - الماتى» ج ش س ديرەكتورى بەرىكبول ماندىبايەۆ.

اۆتور: الما مۇقانوۆا