ق ر قورعانىس مينيسترلىگىنىڭ مالىمەتىنە سايكەس، دارىگەرلەر بەيرۋت، بوۋار، ماشگار جانە سايدا قالالارىنىڭ مەديتسينالىق مەكەمەلەرىندە ناۋقاستارعا كومەك كورسەتۋدە. العاشقى جۇمىس كۇنىنەن باستاپ قازاقستاننىڭ اسكەري دارىگەرلەرى ليۆاننىڭ جۇزدەگەن ازاماتىنا مەديتسينالىق كومەك كورسەتكەن. ولار ليۆان دارىگەرلەرىمەن بىرگە اسكەري گوسپيتال جانە مۋنيتسيپالدىق اۋرۋحانالاردىڭ بازاسىندا جۇمىس اتقارۋدا.
مينيسترلىك اقپاراتىنشا، ناۋقاستاردىڭ اراسىندا اممياك سەليتراسىنىڭ دەتوناتسياسىنان بولعان جارىلىس تولقىنىنان زارداپ شەككەندەر بار.
«قازاقستاندىق دارىگەرلەر حيرۋرگيالىق، تراۆماتولوگيالىق جانە تەراپيەۆتىك پاتسيەنتتەردى ەمدەۋگە جۇمىلدىرىلدى. ءبىزدىڭ دارىگەرلەر رەانيماتسيا جانە انەستەزيولوگيا بولىمشەلەرىنىڭ جۇمىسىنا، ەندوپروتەزدەۋ سياقتى جوعارى تەحنولوگيالىق قىزمەتتەردى قوسا العاندا، وپەراتسيالار جۇرگىزۋگە بەلسەندى قاتىسادى. سونىمەن قاتار، اسكەري دارىگەرلەر امبۋلاتوريالىق ناۋقاستارعا كومەك كورسەتۋ جانە قابىلداۋ بويىنشا مەديتسينالىق پۋنكتىڭ جۇمىسىن ۇيىمداستىرۋدا»، - دەلىنگەن ق ر قورعانىس مينيسترلىگىنىڭ مالىمەتىندە.
قازاقستاندىق دارىگەرلەردىڭ جۇمىسى ەلدەگى ەپيدەميالىق جاعدايدى ەسكەرە كەلە، قاتاڭ سانيتارلىق- گيگيەنالىق تالاپتاردى ساقتاي وتىرىپ ۇيىمداستىرىلعان.
«مەن ليۆاننىڭ وڭتۇستىگىندەگى بەيرۋتتا تۇرامىن. وسى قيىن- قىستاۋ كەزەڭدە قازاقستان باسشىلىعىنا جانە اسكەري دارىگەرلەرگە مەنىڭ حالقىما جانە بالالارىما كومەك كورسەتكەنى ءۇشىن العىسىمدى بىلدىرگىم كەلەدى. ليۆانعا قوش كەلدىڭىز!»، - دەدى ناۋقاستاردىڭ ءبىرى فادي ەحري.
ەستەرىڭىزگە سالا كەتەيىك، قازىرگى ۋاقىتتا ليۆاندا ارنايى ماقساتتاعى قازاقستاندىق اسكەري- مەديتسينالىق جاساق جۇمىس جاساۋدا.