ولاردىڭ اراسىندا ءتىپتى ءبىر رەت ەسكەرتۋ جاسالعانىمەن زاڭسىز ارەكەتكە قايتا جالعاستىرعاندار دا تابىلىپ جاتىر.
نۇر- سۇلتان قالالىق پوليتسيا دەپارتامەنتىنىڭ وكىلدەرى ارنايى جۇرگىزگەن تەكسەرۋ بارىسىندا وسىنداي كوپتەگەن جايتتەردى انىقتاعان. ءباسپاسوز قىزمەتىنىڭ مالىمەتتەرىنە قاراعاندا، كارانتين تالاپتارىن بۇزعان نىساندار اراسىندا مونشا، كافە- بارلار، تەحنيكالىق قىزمەت كورسەتۋ ستانتسيالارى بولعان.
«بۇدان بولەك، كەلۋشىلەرگە كاليان ۇسىناتىن ويىن- ساۋىق ورىندارى انىقتالدى. 7 -شىلدەدەن باستاپ قازاقستاندا مەيرامحانالاردا، كافەلەردە جانە باسقا دا قوعامدىق مەكەمەلەردە كاليان شەگۋگە تىيىم سالاتىن زاڭ كۇشىنە ەندى. ەندى كالياندى تەك ۇيدە عانا شەگۋگە بولادى. قالاداعى «شيشكا» لاۋندج- بارىندا مەكەمە باسقارۋشىسى كليەنتتەرگە كاليان ۇسىنىپ، باردىڭ قىزمەتكەرى مەن قوناقتارىنا قاتىستى ق ر ا ق ب ك 441-بابى بويىنشا اكىمشىلىك حاتتاما تولتىرىلدى. تەكسەرۋ كەزىندە بولمەدە 30 دان استام كليەنت بولعان. اتالعان نىساننىڭ كارانتين رەجيمىن بىرنەشە رەت بۇزعانى انىقتالدى. سونداي- اق 13 -تامىزدا «الماتى» اۋدانىنىڭ جەدەل توبى «پريانيك» مەيرامحاناسىندا تۇنگى ۋاقىتتا كارانتين رەجيمىنىڭ بۇزىلعانىن جانە كاليان شەگۋ فاكتىسى ورىن العانىن انىقتادى. مەكەمە يەسىنە قاتىستى ق ر ا ق ب ك 441-بابى 3-بولىگى بويىنشا اكىمشىلىك ءىس قوزعالدى»، - دەلىنگەن حابارلامادا.
سونداي- اق وندا تەمەكى ونىمدەرىن، ونىڭ ىشىندە قىزدىرىلاتىن تەمەكى مەن كاليان تۇتىناتىن ادامدارعا شارا قولدانباعانى ءۇشىن يەسىنە 25 تەن 60 ا ە ك- كە دەيىن ايىپپۇل سالىنادى. كۇن سايىن قۇرامىنا اكىمدىك، تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ، الماتى اۋدانىنىڭ جەرگىلىكتى پوليتسيا قىزمەتىنىڭ قىزمەتكەرلەرى كىرەتىن جەدەل توپ كاسىپكەرلىك نىساندارى بويىنشا رەيدتەر جۇرگىزەدى.
«ولار 14 - تامىز كۇنى ساعات 22:00 دەن 01:00 ارالىعىندا شاعىن جانە ورتا بيزنەستىڭ 6 نىسانىندا كارانتين شارالارىنىڭ بۇزىلعانىن انىقتادى. اتاپ ايتقاندا، «Carlifە» تەحنيكالىق قىزمەت كورسەتۋ ستانتسياسى، «وفيتسەرسكيي» سىرا بارى، «Baramysh» پاۆيلونى، «حوتتابىچ» ساۋناسى، «پريانيك» مەيرامحاناسى جانە «شيشكا» لاۋندج- بارى كارانتين رەجيمىن بۇزا وتىرىپ جۇمىس ىستەگەن. بارلىق جينالعان ماتەريالدار ق ر ا ق ب ك 425-بابى بويىنشا پروتسەسسۋالدىق شەشىم قابىلداۋ جانە جاۋاپقا تارتۋ ماقساتىندا تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنە جىبەرىلدى»، - دەپ حابارلادى باسپا ءسوز قىزمەتى.