بۇل تۋرالى بۇگىن ۇلتتىق قۇقىقتىق ينتەرنەت پورتالدا رەسمي تۇردە جاريالاندى، دەپ حابارلايدى قازاقپارات بەلتا اگەنتتىگىنە سىتەمە جاساپ.
«قۇجاتقا سايكەس، ەل كونستيتۋتسياسىنىڭ 106-بابى، «بەلارۋس رەسپۋبليكاسىنىڭ مينيسترلەر كەڭەسى تۋرالى» 2008 -جىلعى 23 - شىلدەدەگى № 424-ز زاڭىنىڭ 9-بابى بويىنشا بەلارۋس ۇكىمەتى پرەزيدەنت جاڭادان سايلانعان سوڭ ءوز وكىلەتتىگىن توقتاتتى»، - دەلىنگەن رەسمي قۇجاتتا.
شەشىم قابىلدانعان كۇننەن باستاپ ءوز كۇشىنە ەنەدى. بۇعان دەيىن حابارلانعانداي، مەملەكەت باسشىسى الەكساندر لۋكاشەنكو ۇكىمەتتىڭ ودان ءارى قاراي جۇمىس ىستەۋى ءۇشىن قۇجاتتاردى دەرەۋ دايىنداۋدى تاپسىرعان بولاتىن. سول كەزدە پرەزيدەنت نەگىزىنەن ۇكىمەت قايتا جاساقتالعانىن اتاپ ءوتتى. سونداي- اق قانداي دا ءبىر كۇتپەگەن جاعدايدىڭ بولۋى مۇمكىن ەكەنىن دە ءمالىم ەتتى.
اۆتور: اياۋلىم التىنبەك