باسىلىمنىڭ مالىمەتىنشە، تسيترۋستار توبىنا جاتاتىن كۋمكۆات جەمىسى ىسىكتىڭ ءوسۋىن تەجەپ، اس قورىتۋ جۇيەسىنە وڭ اسەر ەتىپ، سۇيەكتىڭ نىعايۋىنا سەپتىگىن تيگىزەدى. ال ينوسمي سايتىنىڭ مالىمەتىنە سايكەس، بۇل جەمىستى «ءساندى ماندارين» نەمەسە «التىن اپەلسين» دەپ تە اتايدى.
كۋمكۆات ادامنىڭ يممۋنيتەتىن كۇشەيتەدى. ول كوبىنەسە تۇماۋمەن ءجيى اۋىراتىن ادامدارعا پايدالى. جەمىس اسقازان-ىشەك جولىنىڭ قىزمەتىنە وڭ اسەر ەتىپ، انورەكسيا، جۇرەك اينۋ، اسقازاننىڭ تاماق قورىتا الماۋ كەزىندە ءتيىمدى كومەكتەسەدى.
سونىمەن قاتار، كۋمكۆاتا ونكولوگيالىق اۋرۋلاردىڭ دامۋىن تەجەيدى. ونىڭ قۇرامىندا فلاۆونويدتەر كوپ بولعاندىقتان ادام اعزاسىن كانتسەروگەندى زاتتارعا (قاتەرلىك ىسىك تۋدىراتىن زاتتار - ەسكەرتۋ) ءتوزىمدى ەتەدى.
سونداي-اق، بۇل جەمىستە كالتسيي كوپ بولعاندىقتان ول سۇيەكتى نىعايتىپ، بەتكە ءاجىمنىڭ تۇسپەۋىنە ءارى بەزەۋلەرمەن كۇرەسۋگە وڭ ىقپال ەتەدى.
كۋمكاتتى قابىعىمەن بىرگە جەۋگە بولادى. ماقالا اۆتورى بۇل جەمىستەن دجەم مەن مارمەلاد جاساۋعا، ونى شايعا قوسۋعا نەمەسە دەسەرتتەر مەن سالاتتار دايىنداۋدا قولدانۋعا كەڭەس بەرەدى.