ءشامشىنىڭ «مەنىڭ قازاقستانىم» ءانى ا ق ش- تا ورىندالدى

نۇر-سۇلتان. قازاقپارت - ءشامشى قالداياقوۆتىڭ «مەنىڭ قازاقستانىم» ءانى بوستوندا ورىندالدى، دەپ حابارلايدى قازاقپارات.

بوستونداعى گارۆارد ۋنيۆەرسيتەتى الاڭىندا ورىندالعان «مەنىڭ قازاقستانىم» ءانىنىڭ ۆيدەوسىن ا ق ش- تىڭ قازاقستانداعى ەلشىلىگى جاريالادى.

«ايگىلى كومپوزيتوردىڭ مۋزىكاسىن بۇكىل الەم تىڭداسىن. گارۆارد ۋنيۆەرسيتەتى، بوستون، 2017-جىل، مامىر. ۆيدەو تيترى: ەلنۋرا اباكان»، - دەلىنگەن ەلشىلىك پاراقشاسىندا.

ەسكە سالا كەتسەك، كەشە اتى اڭىزعا اينالعان سازگەر، قازاق ۆالسىنىڭ كورولى ءشامشى قالداياقوۆتىڭ تۋعانىنا 90 جىل تولدى. سازگەردىڭ ۇلى مۇحتار قالداياقوۆ حالىق ءارتىسىنىڭ ءومىرى مەن وتباسىلىق قۇندىلىقتارى تۋرالى ايتىپ بەردى. ق ر مادەنيەت جانە سپورت مينيسترلىگىنىڭ ۇيىمداستىرۋىمەن «مەنىڭ قازاقستانىم» حالىقارالىق مۋزىكالىق چەللەندجى باستالدى. اۋەندى مارافون قازاقستاننىڭ حالىق ءارتىسى، ق ر ءانۇرانى اۋەنىنىڭ اۆتورى ءشامشى قالداياقوۆتىڭ تۋعان كۇنىنە ارنالدى. تۇركىستان وبلىسىنىڭ وتىرار اۋدانىندا تۋىپ-ءوسىپ، «قازاق ءۆالسىنىڭ كورولى» اتانعان ءشامشى قالداياقوۆقا تۋعان جەرىندە مۋزەي اشىلدى. سونداي-اق، ق ر پرەزيدەنتى قاسىم-جومارت توقايەۆ: «بۇگىن ەلىمىزدىڭ ءانۇرانى «مەنىڭ قازاقستانىم» ءانىنىڭ اۆتورى، ۇلت رۋحانياتىنا تالاي سىرلى ساز بەن اسەم اۋەن سىيلاعان كومپوزيتور ءشامشى قالداياقوۆتىڭ تۋعانىنا 90 جىل تولدى. ءشامشى شىعارماشىلىعى - ۇلتتىڭ باعا جەتپەس بايلىعى. ونىڭ تۋىندىلارىن كەڭىنەن ناسيحاتتاۋ - بۇگىنگى ۇرپاقتىڭ پارىزى»، دەپ جازدى Twitter- دەگى پاراقشاسىندا.