انكارادا قىز- كەلىنشەكتەر تاعى شەرۋگە شىقتى

نۇر-سۇلتان. قازاقپارات - تۇركيادا تاعى دا جۇزگە جۋىق قىز- كەلىنشەك شەرۋگە شىقتى. بۇعان بيلىك باسىنداعى ادىلەت جانە دامۋ پارتياسىنىڭ ىستامبۇل كونۆەنتسياسىنان شىعۋ جونىندەگى ۇسىنىسى تۇرتكى بولعان.

انكاراداعى شەرۋ بارىسىندا ساقشىلار مەن نارازىلىق بىلدىرۋشىلەر اراسىندا جانجال شىعىپ، 25 ايەل ۇستالدى. نەگىزى وسى ماسەلەگە قاتىستى تۇرىك قوعامىنىڭ پىكىرى ەكىۇداي. تۇركياداعى ءبىرقاتار كونسەرۆاتوردىڭ ايتۋىنشا، ىستامبۇل كونۆەنتسياسى وتباسى قۇرىلىمىنا نۇقسان كەلتىرىپ، زورلىق- زومبىلىققا يتەرمەلەيدى. قارسى كوزقاراستاعى توپ كەلىسىمدە قابىلدانعان باپتار قاتاڭ تۇردە ورىندالعان جاعدايدا عانا ىسكە اسادى دەگەندى العا تارتادى.

تۇركيا وتباسىنداعى زورلىق- زومبىلىقتىڭ الدىن الۋ جانە قۋدالاۋ، تەڭدىكتى ناسيحاتتاۋ تۋرالى حالىقارالىق كەلىسىمگە 2011 -جىلى قول قويعان. ال 2019 -جىلعى ستاتيستيكا بويىنشا، ەلدە 474 ايەل، كۇيەۋى نەمەسە سۇيىكتىسى تاراپىنان كوز جۇمعان. بۇل دا 2011 -جىلى كەلىسىمگە كىرگەن كورسەتكىشتەن ەكى ەسە كوپ. ەسكە سالا كەتەيىك، تۇرىك قىز- كەلىنشەكتەرى وتكەن جەتىدە دە ەلدىڭ بىرنەشە قالاسىندا نارازىلىق اكتسياسىن ۇيىمداستىرعان بولاتىن. ناتيجەسىندە كونۆەنتسيادان شىعۋ جونىندەگى شەشىم كەيىنگە قالدىرىلعان.

www.24.kz