قازاقپارات قازاقستانداعى ەڭ بەدەلدى مەدياحولدينگكە اينالدى - «يونحاپ» اگەنتتىگىنىڭ پرەزيدەنتى
«ارمىسىزدار! مەن وڭتۇستىك كورەياداعى باستى اقپارات اگەنتتىگىنىڭ پرەزيدەنتى ءارى باس ديرەكتورى سۋنگ بۋ چومىن. وسىناۋ ءجۇز جىلدىق ايتۋلى مەرەيتويمەن «قازاقپارات» اقپاراتتىق اگەنتتىگىن شىن جۇرەكتەن قۇتتىقتايمىن. «قازاقپارات» اقپاراتتىق اگەنتتىگى قۇرىلعان 1920-جىلدان بەرى قازاقستانداعى ەڭ سەنىمدى ءارى ەڭ بەدەلدى مەدياحولدينگكە اينالدى. اگەنتتىكتەرىڭىز ەلدەگى جانە شەت ەلدەگى وقىرماندارى ءۇشىن اقپارات تاراتۋدا ماڭىزدى ءرول اتقارادى. سونىمەن قاتار «قازاقپارات» بۇگىنگى تاڭدا مەن باسقارىپ وتىرعان ازيا جانە تىنىق مۇحيت ايماعى اقپارات اگەنتتىگى ۇيىمداستىرعان ءتۇرلى ءىس-شارالارعا بەلسەنە ات سالىسىپ كەلەدى»، - دەپ جازدى سۋنگ بۋ چومىن مىرزا قۇتتىقتاۋ حاتىندا.
ونىڭ ايتۋىنشا، وتكەن جىلى قاراشا ايىندا وانا اسسامبلەياسى اياسىندا «قازاقپارات» اگەنتتىگىنىڭ باسقارما ءتوراعاسى اسقار وماروۆ مىرزامەن ەكى جاقتى كەزدەسۋ وتكەن.
«كەزدەسۋ بارىسىندا اسقار مىرزامەن اگەنتتىكتەر اراسىنداعى ىنتىماقتاستىقتى نىعايتۋ بويىنشا پىكىر الماستىق.
بۇدان كەيىندە «قازاقپاراتتىڭ» OAHA اياسىنداعى ارىپتەستىك بايلانىسىمىز ارتا تۇسەرىنە سەنەمىن. ەكى ەلدىڭ باستى اقپارات اگەنتتىكتەرى رەتىندە بىزدەردىڭ ۇزاق جىلدارعا سوزىلعان تىعىز ىسكەرلىك بايلانىسىمىز جالعاسىن تابۋدا. ءسوزىمىزدىڭ دالەلى رەتىندە «يونحاپ» الماتىعا مەنشىكتى ءتىلشىسىن جىبەردى جانە ەستۋىمشە «قازاقپارات» ءوز تاراپىندا مەنشىكتى ءتىلشىسىن سەۋلگە جىبەرۋدى جوسپارلاپ وتىرعان كورىنەدى. مەن ەكى اگەنتتىككە دە ىسكەرلىك بايلانىستارىمىزدىڭ ارتۋىن جانە ءوزارا دوستىعىمىزدىڭ نىعايا ءتۇسۋىن تىلەيمىن. «قازاقپاراتتى» ءجۇز جىلدىق مەرەي تويىمەن قۇتتىقتاي وتىرىپ، اگەنتتىككە ىسكەرلىك تابىستار تىلەيمىن. العىس بىلدىرەمىن!»، - دەدى «يونحاپ» اقپاراتتىق اگەنتتىگىنىڭ پرەزيدەنتى.