وڭتۇستىك كورەيادا اباي مەن ءال- فارابي بەينەلەنگەن پوشتا ماركاسى شىعارىلدى

نۇر- سۇلتان. قازاقپارات - ابايدىڭ ولەڭدەر جيناعى كورەي تىلىنە اۋدارىلدى، دەپ حابارلايدى قازاقپارات ەلشىلىككە سىلتەمە جاساپ.

قازاقستان رەسپۋبليكاسىنىڭ كورەياداعى ەلشىلىگىنىڭ قولداۋىمەن كورەي تىلىندە ۇلى ابايدىڭ ولەڭدەرى قامتىلعان («황금천막에서부르는노래 (التىن شاڭىراقتا شىرقالعان ءان) « اتتى كىتاپ جارىققا شىعارىلدى. بۇل كىتاپ ابايدىڭ 106 ولەڭى مەن 2 ەپيكالىق پوەماسى، سونداي- اق قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ «اباي جانە ХХІ عاسىرداعى قازاقستان» اتتى ماقالاسىنان تۇرادى. كىتاپتىڭ اۆتورى كورەيلىك جازۋشى كيم بەن حاك بولىپ تابىلادى. ول 1992 -جىلى قازاقستانعا قونىس اۋدارىپ، الماتى وبلىسىنىڭ ۇشتوبە قالاسىنداعى كورەي ورتالىعىندا جۇمىس ىستەدى. ولەڭ جيناقتارىمەن قوسا، وڭتۇستىك كورەيادا اباي مەن ءال- فارابي بەينەلەرى جازىلعان ماركالار پايدا بولدى. ەلدەگى نەگىزگى پوشتا وپەراتورى «Korea Post» العاش رەت قازاقستان ماركالارىن باسىپ شىعاردى. ماركالاردىڭ ديزاينى اعىلشىن تىلىندە ابايدىڭ 175 جانە ءال- فارابيدىڭ 1150 -جىلدىعىنىڭ بەلگىلەرىمەن دايەكتى ستيلدە جاسالعان.