ا ق ش ەلشىسى قازاقستاندىقتاردى اباي كۇنىمەن قۇتتىقتادى

نۇر- سۇلتان. قازاقپارات – ا ق ش- تىڭ قازاقستانداعى ەلشىسى ۋيليام موزەر قازاقستاندىقتاردى اباي كۇنى مەرەكەسىمەن قۇتتىقتادى. بۇل تۋرالى قازاقپارات ەلشىلىككە سىلتەمە جاساپ حابارلايدى.

«اسا قۇرمەتتى قازاقستاندىقتار! سىزدەردى وزگەشە، ءجونى بولەك مەرەكەمەن شىن جۇرەكتەن قۇتتىقتايمىن! بۇگىن - اباي كۇنى مەرەكەسى! بۇل مەرەكە - رۋحانيات پەن مادەنيەتتىڭ، پوەزيانىڭ، اباي قۇنانباي ۇلى سالعان جاقسى ءداستۇردىڭ جاڭعىرۋى، جالعاسۋى. ءبىز كەلەشەكتە دە ەلشىلىكتە اباي كۇنىن اتاپ ءوتۋ ءۇشىن، اباي ءداستۇرىن جاڭعىرتقىمىز كەلەدى. اباي اقىن توعىزقۇمالاق ويناعان. مىنە، جىل سايىن توعىزقۇمالاقتان جارىس ۇيىمداستىرماق ويىمىز بار. ودان كەيىن، مىندەتتى تۇردە داستارحان باسىندا جينالىپ، باۋىرساق پەن قىمىزدى ورتاعا سالىپ، دومبىرا شەرتىپ، اباي اندەرىن ايتامىز. ابايدىڭ قارا سوزدەرىن وقىپ، تالدايمىز. اباي ارمانداعان «كەمەل ادام تاربيەلەۋ» - ادامزاتتىڭ پارىزى. وسىنى قازىرگى پاندەميا جاعدايى دا قاتتى ءتۇسىندىرىپ وتىر»، - دەلىنگەن ەلشىنىڭ قۇتتىقتاۋىندا.