بۇگىندە اۋداندىق ورتالىق اۋرۋحانانىڭ كوروناۆيرۋس ينفەكتسياسىن جۇقتىرعان ناۋقاستارعا ارنالعان ينفەكتسيالىق ءبولىمى بوساپ قالعان، دەپ حابارلايدى قازاقپارات ءتىلشىسى.
ق ر پارلامەنت ءماجىلىسىنىڭ دەپۋتاتى نۇرجان التايەۆ باستاعان رەسپۋبليكالىق «قوعامدىق باقىلاۋ» وكىلدەرى اۋداندىق اۋرۋحانادا بولىپ، جاعىمدى جاڭالىققا كۋا بولدى. وڭىردەگى كوپتەگەن ءدارىحانالار مەن اۋرۋحانالارداعى احۋالمەن جانە مەديتسينا قىزمەتكەرلەرىنىڭ ەڭبەك جاعدايلارىمەن تانىسىپ، ۇسىنىستارىن تىڭدادى.
جالپى، ورداباسى اۋداندىق ورتالىق اۋرۋحاناسى 120 مىڭ حالىققا قىزمەت كورسەتەدى. اۋداندا كوروناۆيرۋس ينفەكتسياسىن جۇقتىرعان 158 ناۋقاس تىركەلگەن. ونىڭ ىشىندە 2 ازامات قايتىس بولسا، وزگە ەمدەلۋشىلەر تولىق جازىلىپ شىققان.
پنيەۆمونيا اۋرۋى دا ازايىپ، پروۆيزورلىق گوسپيتالدىڭ توسەك سانى 40 ورىنعا قىسقارعان. قازىر اتالعان ىندەتپەن 21 ناۋقاس ەم قابىلداۋدا. اۋداندىق اۋرۋحانا 9 وكپەنى جاساندى جەلدەتۋ اپپاراتى جانە 70 تەن استام توسەك-ورىن وتتەگىمەن قامتۋ جابدىقتارىمەن قامتاماسىز ەتىلگەن. جەكە وتتەگى جەتكىزۋ ورتالىعى ورناتىلعان.
ءدارى- دارمەك قورى جەتكىلىكتى. ءبىر اي بۇرىن قۇرىلعان 17 موبيلدى توپ 1 مىڭعا جۋىق ناۋقاسقا ۇيلەرىنە بارىپ، ەم كورسەتكەن. قاۋىپتى ىندەت جۇقتىرعانداردىڭ ءبىرى مىرزاباي وڭلابەك اۋرۋحاناعا دەم جەتپەي، اۋىر حالدە تۇسكەن.
80 جاستاعى اقساقال بۇگىندە جاعدايىنىڭ جاقسارعانىن ايتادى. دەرتىنەن ايىعىپ، ۇيىنە شىعارىلعان زەينەتكەر بۇگىندە دارىگەرلەرگە العىسىن جاۋدىرىپ وتىر.
«قوعامدىق باقىلاۋ» وكىلدەرى اۋرۋحانانىڭ ينفەكتسيالىق جانە پروۆيزورلىق بولىمدەرىن ارالاپ، جەدەل-جاردەم كولىگىنىڭ جانە زەرتحانا جاعدايلارىمەن تانىسىپ شىقتى.
ولار سونىمەن قاتار تۇركىستان قالالىق ورتالىق اۋرۋحاناسىن دا ارالاپ كوردى.
وسىعان دەيىن ورال، تالدىقورعان، الماتى وبلىسى مەن شىمكەنت قالالارىندا بولعان توپ وكىلدەرى مەديتسينالىق ۇيىمداردىڭ احۋالى مەن ءدارىحانالارداعى باعا تۇراقتىلىعىن قاداعالاۋدى جانە مەديتسينا قىزمەتكەرلەرىنىڭ ۇسىنىس-پىكىرلەرىن تىڭداپ، ولارعا قولداۋ كورسەتۋدى ماقسات تۇتقان.