الماتىلىق پوليتسەيلەردىڭ جالاقىسى قانشا؟

الماتى. قازاقپارات - الماتى قالاسى پوليتسيا دەپارتامەنتىنىڭ باسشىسى قانات تايمەردەنوۆ ىشكى ىستەر ورگاندارىن مودەرنيزاتسيالاۋ پوليتسەيلەردىڭ جالاقىسىنا قالاي اسەر ەتكەنىن ايتتى.

قالالىق پوليتسيا دەپارتامەنتىنىڭ باسشىسى Facebook جەلىسىندەگى تىكەلەي ەفير بارىسىندا ىشكى ىستەر ورگاندارىنداعى قىزمەتكەرلەردىڭ جالاقىسىن ايتتى.

«جول كاراتسى جانە ءى ءى د جۇيەسىن مودەرنيزاتسيالاۋ بارىسىندا پوليتسەيلەردىڭ جالاقىسى 65 پايىزعا ءوستى: سەرجانت قۇرامىنداعى قىزمەتكەرلەر: 93 مىڭ مەن 140 مىڭ ارالىعىندا، وفيتسەرلەر قۇرامىنىڭ پوليتسيا قىزمەتكەرلەرى - 124 مىڭ مەن 174 مىڭ ارالىعىندا. سونىمەن قاتار، الماتى پ د قىزمەتتەرى مەن بولىمشەلەرىنىڭ 718 قىزمەتكەرى اي سايىن تۇرعىن ءۇيدى جالعا العانى ءۇشىن وتەماقى الادى. ىشكى ىستەر ورگاندارىن مودەرنيزاتسيالاعانعا دەيىن ولاردىڭ سانى 414 بولعان. اتالعان وتەماقىنى جەدەل بولىمشەلەر، تەرگەۋ، انىقتاۋ، سوبر قىزمەتكەرلەرى، ۋچاسكەلىك پوليتسيا ينسپەكتورلارى، يۋۆەنالدى پوليتسيا قىزمەتكەرلەرى، سونداي-اق پاترۋلدىك پوليتسيا قىزمەتكەرلەرى الادى»، - دەدى قانات تايمەردەنوۆ.