ەلورداداعى «ساقالدى» قۇرىلىستاردىڭ ءبىرى قايتا جانداندى

نۇر- سۇلتان. قازاقپارات - التى جۇزدەن استام ۇلەسكەر ءوز پاتەرىن كۇتۋدە، دەپ حابارلايدى ەلوردا اكىمدىگىنىڭ رەسمي سايتى.

نۇر- سۇلتان قالاسىنىڭ اكىمى التاي كولگىنوۆتىڭ ايتۋىنشا، «جاعالاۋ-4» توبىنىڭ قۇرىلىسى قايتا جانداندى.

«جۇمىستاردى اياقتاۋعا مەملەكەتتەن قاراجات ءبولىندى. قۇرىلىس سوڭعى ءتورت جىلدا توقتاپ تۇرعان، سەبەبى سوت پروتسەستەرى بولدى. نىساندا قۇرىلىسشىلاردىڭ ءبىرىنشى توبى جۇمىس جاساپ جاتىر. مۇندا 600-دەن استام ۇلەسكەر بار»، - دەپ جازدى ا. كولگىنوۆ ينستاگرامداعى پاراقشاسىندا.

سونىمەن قاتار، قالا اكىمى تاڭەرتەڭگىلىك ارالاۋ بارىسىندا ءبىرقاتار الەۋمەتتىك تۇرعىن ءۇي قۇرىلىسىنىڭ بارىسىمەن تانىستى (ە34، ە45 جانە ە18؛ ە32، ە33 جانە ە18 جوبالىق اتاۋلارى بار كوشەنىڭ قيىلىسى). «قۇرىلىس قارقىنىن ارتتىرۋدى تاپسىردىم. جۇمىسشىلار مەن تەحنيكانىڭ سانىن كوبەيتۋ قاجەت. باستىسى سانيتاريا نورمالارىن قاتاڭ ساقتالۋ كەرەك،» - دەدى قالا اكىمى.