تىلشىلەردىڭ ساۋالىنا الماتى وبلىسى پروكۋراتۋراسى ونىڭ ارەكەتتەرى ق ر قىلمىستىق كودەكسىنىڭ 345-1-بابى، 4-بولىگى بويىنشا سارالانعانىن حابارلادى.
مەديتسينالىق كۋالاندىرۋ كەزىندە ازاماتوۆتىڭ ورتاشا دارەجەدە ماس بولعانى انىقتالدى. پروكۋراتۋرانىڭ مالىمەتىنشە، ءىس بويىنشا باسقا ايىپتالۋشىلار جوق.
ايتا كەتەيىك، بۇعان دەيىن ءىس بىرنەشە رەت قارالعان بولاتىن. باستاپقىدا ولار 4-باپتىڭ 345-بولىگى بويىنشا قارالعان. كەيىن ءىستى ق ر قىلمىستىق كودەكسىنىڭ 99-بابىنىڭ 2-بولىگى بويىنشا قارالعان. بۇل كۇدىكتىنىڭ قاساقانا شابۋىل جاساعانىن ءبىلدىرۋى مۇمكىن.
ءبىراق، پروكۋراتۋرانىڭ سوڭعى مالىمەتتەرى بويىنشا، ءىس باستاپقى باپ بويىنشا قايتا قارالادى. جاقىن ارادا ءىس سوتقا بەرىلەدى.
ەسكە سالايىق، بۇگىن 25-مامىردا تاڭعى ساعات 05.26-دا BMW ماركالى كولىكتىڭ 1992 -جىلعى جۇرگىزۋشى الماتى وبلىسى قاراساي اۋدانى كوكساي ىقشاماۋدانى قوجابەكوۆ كوشەسىمەن سولتۇستىك باعىتتا كەلە جاتىپ، جاڭا عاسىر كوشەسىنىڭ قيىلىسىندا №4-بلوكبەكەتكە بارىپ سوعىلىپ، ينەرتسيامەن پاترۋلدىك كولىككە سوعىلعان ەدى. سالوندا ەكى پوليتسەي بولعان. كولىكتى ماس كۇيىندە وتىرعان BMW جۇرگىزۋشىسى قاماۋعا الىندى. اتالعان فاكت بويىنشا سوتقا دەيىنگى تەرگەۋ باستالدى.
پوليتسەيلەردىڭ بىرەۋى - 42 جاستاعى اعا لەيتەنانت جاراس جانعازيەۆ، ول العان جاراقاتىنان جەدەل جاردەم كەلگەنگە دەيىن قايتىس بولدى. ول - باتىس قازاقستان وبلىسىنىڭ تۋماسى، ىشكى ىستەر ورگاندارىندا 2001 -جىلدان باستاپ ەڭبەك ەتكەن. ۇيلەنگەن، ارتىندا ەكى قىزى قالدى.
ەكىنشى پوليتسەي - پوليتسيا سەرجانتى داستان ءابدىقانوۆ 1994 -جىلى تۋعان. اۋرۋحانادا قايتىس بولدى. ول - الماتىنىڭ تۋماسى. ىشكى ىستەر ورگاندارىندا 2016 -جىلدان باستاپ ەڭبەك ەتكەن. ۇيلەنگەن، ارتىندا تۋعانىنا ءبىر اي بولعان قىزى قالدى.
دەرەككوز Tengrinews.kz