كوروناۆيرۋسقا شالدىققان دارىگەرلەر سانى بەلگىلى بولدى
بۇل تۋرالى ق ر دەنساۋلىق ساقتاۋ ۆيتسە-ءمينيسترى اجار عينيات ايتتى، دەپ حابارلايدى قازاقپارات ءتىلشىسى.
«ەلىمىزدە كوروناۆيرۋس ينفەكسياسى راستالعان مەديتسينا قىزمەتكەرلەرىنىڭ سانى 8518 ادامدى قۇرايدى. بۇگىنگى كۇنى دارىگەرلەردىڭ اراسىندا وكپە قابىنۋىمەن اۋىرعاندار تۋرالى مالىمەت جوق»، - دەدى ۆيتسە-مينيستر ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا. سونىمەن قاتار ول كوروناۆيرۋسپەن كۇرەستە وكپە قابىنۋىنا شالدىققان دارىگەرلەرگە بىررەتتىك الەۋمەتتىك تولەم بەرىلۋى مۇمكىن ەكەندىگىن دە ايتتى.
«ەگەر كوروناۆيرۋستىق وكپە قابىنۋىمەن كۇرەس بارىسىندا اۋىرىپ قالعان مەديتسينا قىزمەتكەرلەرى تولەمگە ءوتىنىم بەرەتىن بولسا، وندا ءبىز ولارعا قولداۋ كورسەتەمىز. اتالعان مەديتسينالىق قۇجاتتار جەرگىلىكتى اتقارۋشى ورگاندار دەڭگەيىندەگى كوميسسياعا جىبەرىلەتىن بولادى»، - دەدى اجار عينيات.
اۆتور: مارلان جيەمباي