مينيستر قازاقستاندا ىندەتپەن اۋىرعانداردىڭ قانشا پايىزى ساۋىعىپ شىققانىن ايتتى
«ەندى ساندار تۋرالى ايتايىن. مەن وسىناۋ كوپ اقپاراتقا باس قاتىرماي، قىسقاشا عانا جەتكىزۋگە تىرىسايىن. بۇگىنگى تاڭدا رەسپۋبليكادا كوروناۆيرۋس ينفەكسياسىن جۇقتىرۋدىڭ 92262 جاعدايى تىركەلدى. ءيا، بۇل سان ۇرەي تۋدىرۋى دا مۇمكىن. الايدا ولاردىڭ 67 پايىزدان استامى اۋرۋدان ساۋىعىپ شىقتى. مۇنداي جاعىمدى كورسەتكىشتەر باياۋ بولسا دا ءوسىپ كەلەدى. جاعداي باتىس قازاقستان، الماتى، تۇركىستان، قوستاناي، اقمولا جانە ماڭعىستاۋ وبلىستارىندا، سونداي-اق استانادا وڭالىپ كەلەدى»، - دەدى الەكسەي سوي و ك ق- دا وتكەن باسپا ءسوز ءماسليحاتىندا.
وسى سانداردى كەلتىرە كەلە الەكسەي تسوي قازاقستاندا كۆي ىندەتىن جۇقتىرۋ بويىنشا جاعداي تۇراقتالعانىن جەتكىزدى.
«وزدەرىڭىزدە بايقاپ وتىرعان بولارسىزدار. شارىقتاۋ شەگىنەن وتتىك. ءبىزدىڭ مىندەتىمىز - بۇكىل ادامدار ءۇشىن، بۇكىل دەنساۋلىق ساقتاۋ جۇيەسى ءۇشىن وتە قيىن سىناقپەن كەلگەن وسى پوزيتسيانى ۇستاپ قالۋ»، - دەدى ول.
اۆتور: ايان بەكەن ۇلى