جاقسىلىق ۇشكەمپىروۆتى جەرلەۋ راسىمىنە وتباسى مۇشەلەرى عانا قاتىسادى
11:41, 03 - تامىز 2020
الماتى. قازاقپارات - پاندەمياعا بايلانىستى جانە ادامداردىڭ جاپپاي جينالۋىن بولدىرماۋ ءۇشىن جاقسىلىق ۇشكەمپىروۆتى اقتىق ساپارعا شىعارىپ سالۋ راسىمىنە وتباسى مۇشەلەرى عانا قاتىسادى، دەپ حابارلايدى قازاقپارات ءتىلشىسى.
جاقسىلىق ۇشكەمپىروۆتىڭ تۋىستارى كوڭىل ايتىپ، قولداۋ كورسەتكەن بارشا قازاقستاندىقتارعا، مەملەكەت باسشىسى قاسىم-جومارت توقايەۆقا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازاربايەۆقا العىس ءبىلدىردى.
«جەرلەۋ ءراسىمى تەك وتباسى مۇشەلەرىنىڭ قاتىسۋىمەن عانا وتەدى. ال ونى ەسكە الۋعا ارنالعان ءىس-شارالار ءبىر جىلدان كەيىن ۇيىمداستىرىلادى»، - دەلگەن حابارلامادا.
ەسكە سالايىق، تامىزدىڭ ەكىسى كۇنى 70 جاسقا قاراعان شاعىندا، گرەك-ريم كۇرەسىنەن تۇڭعىش وليمپيادا چەمپيونى، الەم چەمپيونى، قازاقستاننىڭ ەڭبەك ەرى، «بارىس»، «قۇرمەت» «پاراسات» وردەندەرىنىڭ يەگەرى جاقسىلىق ۇشكەمپىروۆ ومىردەن وزدى.